عرب بیرلیگی تشقی ایشلر وزیرلری نینگ کینگشی بولیب اوتدی
اوشبو جلسه مصرنینگ پایتختی قاهره ده اوتکزیلدی
عرب بیرلیگی تشقی ایشلر وزیرلری، اورته شرق تینچ لیک جریانی گه کوزه تووچی بوله دیگن هر تامانلمه خلق ارا بیر ارگان ایجاد ایتیلیشی اوچون دعوت قیلدی.
مصرنینگ پایتختی قاهره ده گی جلسه ده ترامپ اداره سی نینگ تحریکی بیت المقدس قراری نینگ تاثیرینی قولگه آلیش اوچون تیارلنگن "عرب حرکت پلانی" بحث بولیب اوتدی.
جلسه نینگ آرتیدن نشر قیلینگن نتیجه اعلامیه سیده، 1967 – ییلی چیگره حدودیده ایککی دولتلی ییچیم، خلق ارا مشروع (قانونی) قرارلر و "صلح گه مقابل توپراق" اساسلریگه صادق قالینیب تینچ لیک جریانینی تکرار باشله تیش اوچون خلق ارا بیر کنفرانس اوتکزیلیشی چقریغی عملگه آشیریلدی.
خودی شو جریانگه بیرلشگن ملتلر تشکیلاتی نینگ چطری آستیده کوزه تووچیلیک قیله دیگن هر تامانلمه خلق ارا بیر ارگان ایجاد ایتیش اوچون تامانلر بیلن فعالیت آلیب باریش قراری آلینگن لیگی بیلدیریلدی.
عین دمده برچه اولکه لردن بیت المقدس ده دیپلوماتیک نماینده لیک آچیشدن قول ترتیشلری خواهلنگن.
فلسطین خلقی نینگ تورلی یوللر بیلن اشغال گه قرشی چیقیش حقی بولگنی و فلسطین دولتی نینگ بیرلشگن ملتلر تشکیلاتی گه تماماً اعضا بولیش فعالیتلری نینگ حمایه قیلینگن لیگی قید ایتیلدی.
