پوتین: روسیه ده اسلامی دینی تعلیماتی توغریسیده بیر قطار فعالیتلر آلیب باریله دی

روسیه دولت باشلیغی ویلادیمیر پوتین، اسلام و مسلمان جمعیتی نینگ روس مدنیتی ساختاری نینگ بی نظیر بیر پارچه سی ایکنینی ایتدی.

پوتین تاتارستان جمهوریتی نینگ پایتختی قزانگه اویوشتیرگن سفریده، روسیه فدراسیونی نینگ اسلام عالملری بیلن اوچره شدی.

روسیه دولت رهبری، اسلام دینی تعلیماتی نینگ روسیه ده تکرار رونق تاپیشی نینگ کتته اهمیت ایگه ایکنینی معلوم قیلیب، اسلام دینی تعلیماتی، چقور و عالی بیر تاریخ گه ایگه دیر. میلادی 1917 – ییلی انقلابیدن آلدین روس مسلمان شرعیاتچیلری، دنیانینگ تورلی منطقه سیده کوپ محترم انسانلر اوله راق کوریلر ایدی و توشونچه لریگه کوپ حرمت بولر ایدی، دیدی.

سویتلر بیرلیگی باسیمیده ایسه، بو بای لیک نینگ ییتیب کیتگنی گه اشاره قیلگن پوتین؛

حکومتیمیز روسیه ده اسلام دینی گه تعلیم و تربیه نی حمایه قیلیش اوچون آدیملر آته دی. بناً عنعنوی اسلام روس مدنیتی نینگ مهم بیر پارچه سی دیر و مسلمان جمعیتی هم شبهه سیز روسیه نینگ کوپ سانلی خلقی نینگ بیر عنصری دیر، دیدی.

روسیه نفوسی نینگ 15 فایزیدن عبارت 20 ملیون مسلمان یشه ماقده دیر.