امریکاده بیر ایالت جدائی طلبلری اوزلرینی مستقل ایتیب اعلان قیلدیلر

امریکا قوشمه ایالتلریده مملکت نینگ اینگ بویوک ایالتلریدن بولمیش کلفورنیاده بیر آزادی طلب گروه "ینگی کلفورنیا" آتی آستیده اوزلرینی مستقل ایتیب اعلان قیلدی.

50 ایالتدن عبارت بولگن امریکاده اساسی قانون نینگ 4 – ماده سی نینگ 3 فقره سینی أساس آلیب مستقل لیک مراجعه سینی عملگه آشیرگن پاوول پرستون، مطبوعاتی کنفرانس اویوشتیردی.

مذکور بیاناتیده؛

"قانونی اداره لر بیلن بو جریان نینگ قیسی شکلده آلغه باریشی توغریسیده اوچره شوولر آلیب بارماقده میز. اوزیمیزنی اداره قلیش حقینی قولگه کیریتمسدن آلدین طلب و سببلریمیزنی اهالی گه نمایشلر آرقه توشونتیریشیمیز کیره ک" دیب ایتدی.

پرستون "بیز امریکا قوشمه ایالتلریدن ایریلماقچی ایمس میز، فقط کلفورنیادن ایریلماقچی میز" دیدی. بونگه سبب اوله راق "کلفورنیانینگ ساحل منطقه لری بیلن ایریم منطقه لرنینگ تورلی عایدی بولگنی گه قره مه ی بیر تور قانون و مالیه قانونلری بیلن اداره ایتیلیشی نینگ عادلانه ایمس" ایکنینی اورغوله دی.

امریکا قوشمه ایالتلری مطبوعاتی نینگ خبرلریگه کوره، اوشبو جدائی طلب لرنینگ قانونی جریاننی طی قیلیشلری نینگ 10 الی 18 آی دوام ایتیشی ممکن.

امریکا قوشمه ایالتلری اساسی قانونی گه کوره، بیر ایالت نینگ بولینیش قراری نهائی بولیشی اوچون مملکت سناتوسی تامانیدن تصویب بولیب چیقیشی کیره ک.

میلادی 2014 – ییلی امریکالیک بیر ملیاردر تیم دراپر، کلفورنیانی 6 ایالت گه جدا قیلماقچی بولیب، امضا ییغیشتیرگن ایدی لیکن موفق بولمه گن ایدی.