ترامپ دنیا اولکه لرینی تهدید ایتدی

امریکا قوشمه ایالت لری دولت رهبری دونالد ترامپ, بوگون بیرلشگن ملت لر تشکیلاتی خوف سیز کینگشیده بحث ایتیلیشی کوتیلیتگن بیت المقدس بیلن علاقه لی قرار لایحه سی بوییچه امریکا نینگ فکری گه مخالف رای بیره دیگن اولکه لر نی تهدید قیلدی. 

ترامپ, اوشبو اولکه لر گه مادی جهتدن یاردم ایتمیدیگن لیگی نی بیلدیردی.

ترامپ, "بیزدن میلیونلب و حتی میلیارد لب دالر یاردم آله دیلر.  کیین ایسه بیز گه قرشی رای بیره دیلر.  اوشبو رای بیریش پروسه سی نی انیق روشده تعقیب ایته میز" دییه قید ایتدی. 

امریکا قوشمه ایالت لری نینگ بیرلشگن ملتلر تشکیلاتی دایمی نماینده سی نیککی هالی نینگ, بوگون (پنجشنبه کونی) بیرلشگن ملت لر عمومی کینگشیده بولیب اوته دیگن بیت المقدس بیلن علاقه لی رای بیریش پروسه سی نینگ باشله مسدن آلدین باشقه دیپلمات لر گه ای میل یوباریب اوشبو قرار گه مخالف رای بیرمس لیک لری کیره ک ایکن لیگی نی ایما ایتگن لیگی معلوم قیلینگن ایدی. 

اوتگن کونی بیرلشگن ملت لر تشکیلاتی خوفسیزلیک کینگشیده بیت المقدس نینگ موقفی بیلن علاقه لی رای بیریش پروسه سی ده 15 اعضا اولکه دن 14 عضو نینگ مثبت رای بیرگن لیگی, امریکا قوشمه ایالتلری نینگ بیت المقدس بیلن علاقه لی بیر تامانلمه قراری نینگ خلق ارا جامعه تامانیدن حمایه لنمه گن لیگی نی کورسه تیب بیرگن ایدی. 

امریکا قوشمه ایالت لری نینگ بیت المقدس نی اسرائیل پایتختی اوله راق قبول ایتیشی بیلن علاقه لی قراری توغری سیده بولیب اوته دیگن رای بیریش پروسه سی گه بیرلشگن ملتلر تشکیلاتی اعضاسی 193 اولکه نینگ نماینده سی اشتراک ایته دی.