سعودی عربستان پادشاهی نینگ رسمی قصری بالستیک راکت بیلن اوریلدی

یمن ده گی حوثی لر سعودی عربستان پادشاهی نینگ پایتخت ریاض ده گی رسمی قصری نی بالستیک راکت بیلن اوردی.

راکتی هجوم اویوشتیریلگن الیمامه قصری, سعودی عربستان پادشاهی سلمان بن عبدالعزیز نینگ رسمی مهمانخانه سیدن عبارت. 

عینی دمده قرال لیک نینگ محکمه سی هم اوشبو قصرده اورین آلماقده. 

سعودی عربستان دولت تلویزیونی بالستیک راکت نینگ هواده تاثیرسیز وضعیت گه کیلتیریلگن لیگی نی بیلدیررایکن, خودی منه شوو حادثه نینگ هیچ قنده ی بیر جانی و مالی خساره گه سبب بولمه گن لیگی نی معلوم قیلدی. 

حوثی لر ایسه اوشبو راکتی هجوم حقیده تویتر آرقه لی معلومات بیردی. 

یمن ده گی شیعه حوثی لر نینگ سوزلاوچیسی محمد عبدالسلام ایسه, ریاضده گی الیمامه قصری نی "بُرکان اچ 2" راکتی بیلن اورگن لیک لری نی بیلدیردی. 

حوثی لر, اوشبو راکتی هجوم بیلن قصرده ییغیلیش اوتکزیتگن یوقاری مرتبه لی کیشی لرنینگ هدف قیلیب آلینگن لیگی نی ادعا ایتدی. 

سعودی عربستان اوشبو راکت لرنینگ ایران تامانیدن حوثی لر گه بیریلیتگن لیگی نی بیلدیررایکن, ایران ایسه ریاض رهبریتی نینگ خودی منه شوو ادعاسی نی رد قیلدی.

یمنده سعودی عربستان ایتکچی لیگیده گی ائتلاف حوثی لر گه قرشی عملیات اویوشتیریب کیلماقده.