روسیه – امریکا قوشمه ایالتلری دولت رهبرلری ملاقات اوتکزدیلر

روسیه دولت باشلیغی ولادیمیر پوتین بیلن امریکا قوشمه ایالتلری دولت رهبری دونالد ترامپ تیلفون آرقه لی ملاقات اوتکزدیلر.

آق اویدن بیریلگن معلوماتگه کوره، پوتین بیلن ترامپ، سوریه، ایران، شمالی کوریا، أفغانستان و اوکراین موضوعلرینی کوریشیب چیققنلر.

کرملین ایسه ایککی رهبرنینگ سوریه موضوعسی بوییچه ملاقات قیلگنینی بیان ایتدی.

مذکور بیاناتده، "سوریه ده گی تروریستلرنی یوقه تیش عملیاتیده آخر چاغیگه کیلینگنی گه دقت ترتیلیب، اولکه ده گی مسئله لر هر تامانلمه قولگه آلیندی. پوتین بیرلشگن ملتلر تشکیلاتی خوفسیزلیک شوراسی نینگ 2254 رقم قراری، آستانه ده گی کیلیشوولر و ویتنامده بولیب اوتگن 11- نوامبر 2017 ده گی مشترک بیانات نینگ اساسیده سوریه ده اوزاق مدتلی سیاسی ییچیم اوچون همکارلیک قیلیش گه تیار ایکنلیکلرینی تاکییدله دی" دیب افاده ایتیلگن.

پوتین، عین دمده سوریه دولت رئیسی بشارالاسد بیلن قیلگن ملاقاتی توغریسیده ترامپ گه معلومات بیردی.

موضوع بیلن علاقه لی قیلینگن بیاناتده، " ولادیمیر پوتین، سیاسی جریان عین دمده اساسی قانون اوزگریشی بیلن ریاست و پارلمان سیلاولری نینگ اویوشتیریلیشی گه موافق ایکن لیگینی تایید قیلگن بشارالاسد بیلن 20 – نوامبر اوتکزگن ملاقات نینگ نتیجه لری توغریسیده ترامپ گه معلومات بیردی" دیب ایتیلگن.

تقریباً 1 ساعت دوام ایتگن پوتین – ترامپ اوچره شووی نینگ، تورکیه، روسیه و ایران رهبرلری نینگ اشتراکی بیلن سوچیده بوگون بولیب اوته دیگن سوریه موضوعسینی اوز ایچیگه آلگن اوچ کیشی لیک جلسه دن آلدین بولیب اوتگنی گه دقت ترتیلماقده.