انگلستان میانمار قوشینی بیلن حربي علاقه لرنی توخته تیب قویدی
شونینگدیک، میانمار قوشینیگه بیریلگن حربي تعلیمنی هم کنسل قیلدی.
مملکت باش وزیری ترزا می نیورکده گی بیرلشگن ملتلر تشکیلاتی 72- کینگشیده سوزله‌گن نطقیده بو موضوعگه علیحده توخته لیب اوتدی.
«میانمار‌ده راهنگیا مسلمانلری نینگ تقدیریدن خواطرده میز. اولرگه قرشی آلیب باریلگن حربي عملیات توخته تیلیشی کیره ک»، دیدی ترزا می بیرلشگن ملتلر تشکیلاتیده سوزله گن نطقیده.
راهنگیا مسلمانلری تیریک قالیش اوچون باشقه دولتلرگه قاچیشگه مجبور بوله یاتگنینی تیلگه آلگن ترزا می «میانمار حکومتی و رهبری آونگ سن سو چی مسلمانلرگه نسبتاً قیرغیننی توخته‌تیشنی بویوریشی ضرور»، دیدی.
ترزا می اوز نطقیده تیلگه آلگنیدیک، خلق ارا جمعیت هم آراکان مسلمانلری نینگ تقدیریدن خواطرده.
ترزا می «بویوک بریتا‌نيا حکومتی صفتیده اوشبو مسأله حل بولگونیچه، میانمار قوراللی کوچلری بیلن مدافعه ساحه سیده گی برچه علاقه لریمیزنی و قوشیننی حربي تعلیم بیلن تأمینلشنی توخته‌ت یشیمیزنی رسماً اعلان قیله من»، دیدی
رسمي معلوماتلرگه کوره، انگلستان میانمار قوراللی کوچلریگه ییلده 305 مینگ سترلین بودجه اجره تماقده. اوشبو بودجه دایره سیده میا‌نمارنی دموکراسی، ییتکچیلیک و انگلیسچه تعلیم امکانیتلری بیلن تأمینلب کیله دی.
شو ییل نینگ 25 اگستیدن بویان میانمار‌ده گی اتنیک قیرغینلرده مینگلب مسلمان قتل ایتیلدی.
میانمار حکومتی مملکتگه کیریش و چیقیشلرگه رخصت بیرمه‌گنی سببلی، قربانلر سانینی انیقلب بولمه یاتگن دیر.
اتنیک قیرغینده میانمار قوراللی کوچلری و اوته ملتچی بودیستلر تامانیدن 200 ته قیشلاق یاقیب یوباریلدی یاکه ویران قیلیندی.
10 مینگدن آرتیق مسلمان باشقه مملکتلرگه قاچیشگه اورینماقده.
قیرغیندن قاچگن مسلمانلر تاغلیق حدودلر آشیب یاکه نفع دریاسینی اوتیب دینگیز آرقه لی بنگلدشگه سیغینماقده.
حاضرده آراکاندن بنگلدشگه 421 مینگ مسلمان قاچیب اوتیشگه موفق بولگن.
علاقه لی ینگی لیکلر
بلینکن بیر بارده صحنه گه چیقدی و اشوله کویله دی
امریکا قوشمه ایالتلری تشقی ایشلر وزیری بلینکن اوکراین گه تشریف بیوردی
