بیرلشگن ملتلر خوفسیزلیک کینگشی، شمالي کوریا نینگ ینگی راکت‌ سیناوی نینگ آرتیدن بوگون ییغیله‌ دی

بیرلشگن ملتلر تشکیلاتی تامانیدن  بیریلگن  بیاناتده، خوفسیزلیک کینگشی محلي ساعت بیلن 15.00 ده شمالي کوریا نینگ راکت‌ سیناوینی اوچره ‌شیش اوچون یاپیق  بیر مجلس اوتکزیشنی معلوم قیلدی. ییغیلیش طلبی ایسه امریکا قوشمه‌ شتاتلری و جاپان‌دن کیلگنینی معلوم قیلدی.

امریکا قوشمه ایالتلری تشقی ایشلر وزیری ریکس تیلرسون ایسه، شمالي کوریا نینگ ینگیدن راکت‌ سیناوی باره ‌سیده یازمه بیر بیانات بیردی.

« شمالي کوریا نینگ تحریک ایتووچی روشده راکت‌ نی  سیناودن اوتکزیشی، امریکا قوشمه ایالتلری نینگ اتفاقداشی بولگن جاپان خلقی گه قرشی آخرگی هفته‌ لرده عملگه آشیریلگن ایکّینچی تهدید صفتیده .» دیب  معلوم قیلدی.

تیللرسون، باشقه‌ بوتون اولکه‌ لرگه شمالي کوریا ریجیمیگه قرشی ینگی قدملر تشلشگه چقیردی.

یونهاپ خبر آژانسی، شمالي کوریا نینگ سونان یقینیده  محلي ساعت بیلن بوگون ایرته ‌لب 06.57 اطرافیده بیلگیلنمه ‌گن بیر راکت‌ آتیلگن و راکت‌ جاپان‌ نینگ اوستیدن اوتیب کیتیب شمالي  تینچ اقیانوسگه  باریب توشگن.

جاپان دولت تلویزیونی NHK ایسه شمالي  کوریا نینگ راکتی  جاپان‌ نینگ شِمال شرقيگه قره‌ب آتیلگن. 

شمالي کوریا نینگ 2006- ییلی 3 – سپتمبردن بیری اینگ کوچلی 6- اتوم سیناوینی  اوتکزیش نینگ آرتیدن، امریکا قوشمه ایالتلری تامانیدن  تیارله‌گن و پیونگ یانگ گه ینگی اقتصادي چیکلاولر تطبیق ایتیشنی  ایسته ‌گن  قرار بیرلشگن ملتلر تشکیلاتی خوفسیزلیک کینگشی تامانیدن قبول قیلینگن ایدی.

شمالي  کوریا ایسه بیرلشگن ملتلر تشکیلاتی خوفسیزلیک کینگشی آخرگی اقتصادي چیکلاولرگه قتّيق ناراضیلیگی کورسه‌ تیب، جاپاننی  « غرق قیلیب » و امریکا قوشمه ایالتلرینی ایسه « کولگه ایلنتیریش » بیلن  تهدید ایتگن ایتگن ایدی.