افغانستان امریکا نینگ شمالی کوریا گه قرشی اوروشیشی گه مانع بولماقده
اوشبو مطلب نی میامی عالی بیلیم یورتی استادی پروفیسر داکتر تیوفل دریرَر بیلدیردی
میامی عالی بیلیم یورتی استاد لری دن بیری بولگن پروفیسر داکتر تیوفل دریرر, امریکا قوشمه ایالتلری نینگ شمالی کوریا گه قرشی اوروش باشله ته آلمس لیگی نینگ اساسی سببی نینگ افغانستان ایکن لیگی نی معلوم قیلدی.
دریرر, شمالی کوریا بیلن اوروش باشله مسدن هم, امریکا قوشمه ایالتلری اردوسی نینگ ظرفیتی بوییچه قیین چیلیک لرنینگ موجود ایکن لیگی نی بیلدیررایکن, افغانستانده گی امریکا لیک حربی لر سانی نینگ کمیتیریلیشی تقدیرده, اوشبو اولکه ده گی امنیت نینگ جوده هم یمان له شیب قاله دیگن لیگی نی ایسله تیب اوتدی.
اونینگ فکریچه امریکا قوشمه ایالتلری نینگ افغانستانده گی حربی لری سانی کمیتیریشی ممکن ایمس.
دریرر, امریکا اردوسی نینگ افغانستان و اورته شرق بیلن مشغول ایکن لیگی سببلی شمالی کوریا بیلن اوروش باشله تیش دن باش تارتیتگن لیگی نی ادعا قیلدی.
عینی دمده دریرر, عاموی قیرغین احتمالی, امریکا نینگ اقتصادی قیین چیلیک لری و چین بیلن شمالی کوریا آره سیده گی مناسبت لر نینگ هم امریکا قوشمه ایالتلری نینگ پیونگانگ رهبریتی گه قرشی اوروش باشله ته آلمس لیگی بوییچه اساسی سبب لر آره سیده اورین آلگن لیگی نی بیلدیردی.
