میانمارده مسلمانلرنینگ جنازه سی بودیست لر تامانیدن یاقیلماقده

مرکزی تایلندده بولگن " The Arakan Project " آتیده گی انسان حق لری موسسه سی نینگ دایرکتری کریس لیوا، میانمارنینگ آراکان ایالتیده اردو و افراطی بودیست ملیتچیلرنینگ آراکان لیک مسلمانلرگه قره ته هجوملری بیلن تیگیشلی اوله راق؛

"اردو و ایریم کیشی لر کیین گه دلیل قالدیرمس لیک اوچون اولدیریلگن مسلمانلرنینگ جسدلرینی ییغیشتیریب اودگه بیرگنینی تثبیت ایتدیک،" دیدی.

لیوا، بی بی سی گه بیرگن بیاناتیده، مذکور موسسه نینگ آراکان ده گی حادثه لرنی تعقیب ایتیب تورگن لیگینی معلوم قیلیب، راتهیدونگ شهریده فقط بیر مسکونی منطقه ده کمیده 130 کیشی آراکان لیک مسلمان نینگ حیاتینی ییتیرگنینی ایتدی.

خودی شو منطقه ده گی اوچ ایریم قشلاقده هم، اونلب کیشی آراکانلیک مسلمان نینگ اولگن لیگی بیلن تیگیشلی خبرلر آلگن لیکلرینی بیان ایتگن لیوا، خوفسیزلیک کوچلری قشلاقلرنی محاصره قیلیب، فیر قیله دیلر. عین دمده اوتگن ییل اکتوبر آییده گی حادثه لرگه نظراً خلق اردوگه کوپراق همکارلیک قیلماقده، دیب ایتدی.

لیوا، آراکانده اردو تامانیدن عملیات نینگ دوام ایتیب تورگن لیگی گه اشاره قیلدی.

میانمار اردوسی نینگ قوراللی گروهلرگه قرشی کوره ش بهانه سی بیلن آراکان ایالتیده دوام ایتیب تورگن قوراللی هجوملریده 25 – اگست دن بیری کوپ سانده مسلمان جان بیردی. هجوملرده نشان آلینگن 60 دن آرتیق قشلاق دن اونلب قشلاق اودگه بیریلر ایکن، اون مینگ لب مسلمان منطقه ده بدرغه بولیب قاچماقده.

ملکی اهالی دینگیز و زمینی اوله راق میانماردن بنگلدش گه قره ب قاچماقده. بیرلشگن ملتلر تشکیلاتی حاضرگچه 87 مینگ کیشی آراکانلیک نینگ بنگلدش گه اوتیب بارگن لیگینی معلوم قیلماقده. لیکن اون مینگ لب کیشی حدودگه کیلیب تورگن.

میانمار حکومتی نینگ خلق دارا موسسه لرنی منطقه گه کیریش گه رخصت بیرمه گن لیگی باعث تلفات سانی انیقلنمه گن.

آراکان لیک ملکی جمغرمه لر تلفات سانی نینگ مینگ لب کیشی گه بارگن لیگینی ادعا ایتماقده.

میانمار اداره سی، بدرغه بولیب یوللرگه توشگن ویا اوی ج جای سیز قالگن مسلمانلرگه یاردم ییتکیزیش گه رخصت بیرمه ی تورگن.