امریکا دولت باشلیغی دونالد ترامپ روس تینگداشی پوتین گه تشکر ایتدی
امریکا قوشمه ایالتلری دولت رئیسی دونالد ترامپ، روسیه ده گی دیپلوماتلرینی قَیتریب یوبارگنی اوچون دولت رئیس ولادیمیر پوتینگه منتدارچیلیک بیلدیردی.
بیدمینستیر نیو جیرسیده گی ترامپ نشنل گولف کلوپیده بیرگن بیاناتیده امریکا قوشمه ایالتلری رهبری،
«اونگه ( پوتین گه) تشکر ایتماقچیمن، چونکه خادملر اوچون صرفلنگن مبلغنی کمه یتیریشگه حرکت قیلماقده میز. مینگه کیلگنده، جوده کوپ سانده کیشینی یوبارگنلری اوچون خرسند من. ایندی خادم سانیمیز ینه هم آز. اونلرنینگ قَیتیشلریگه بیر سبب یوق» دیدی.
روسیه دولت رئیسی پوتین، مسکو‌نینگ امریکا قوشمه ایالتلریده اوتگن ییل اویوشتیریلگن دولت رئیسلیک سیلاولریگه اره لشدی ادعالرینی سبب قیلیب کورسه تیب کنگره ده قبول قیلینگن چیکلاو قانونیگه قرشی، امریکا قوشمه ایالتلری نینگ دیپلوماتیک مقام لریده وظیفه آلیب بارگنلرنینگ سانی 1- سپتمبرگچه 755 کیشی کمه یتیریله دی دیب اعلان قیلگن ایدی.
شونده ی قیلیب امریکا قوشمه ایالتلری نینگ روسیه ده گی دیپلوماتیک نماینده لیک لریده ایشله یاتگن پرسونل سانی 1- سپتمبرده 455 نفرگه کمه یه دی.
بو رقم، روسیه نینگ امریکا قوشمه ایالتلریده گی دیپلوماتیک وکالت خانه‌سیده ایشله یاتگن خادم سانیگه تینگ کیله دی.
بارک اوباما مأموریتی، روسیه نینگ امریکا قوشمه ایالتلری سیلاولریگه اره لشدی ادعالری سببی بیلن روسیه‌گه عاید ایکّی دیپلوماتیک مؤسسه گه قول قویگن و 35 نفر روس دیپلوماتینی هم مملکتدن چیقریب یوبارگن ایدی.
