آلتی مسلمان اولکه تبعه لری نینگ امریکا گه سفر قیلیش لری ممنوع قیلیندی

آلتی مسلمان اولکه تبعه لری نینگ امریکا گه سفر قیلیش لری نینگ ممنوع ایتیلیشی بیلن علاقه لی قانون تطبیق ایتیله باشله دی. 

امریکا قوشمه ایالتلری عالی محکمه سی تامانیدن دوشنبه کونی قسماً تصدیق لنگن و نفوسی نینگ اکثریتی مسلمان لر دن عبارت 6 اولکه نینگ تبعه لری نینگ امریکا گه سفر قیلیش لری ممنوعیتی گه تیگیشلی قانون تطبیق ایتیله باشله دی.

مارچ آییده امریکا قوشمه ایالتلری دولت رهبری دونالد ترامپ تامانیدن مطرح ایتیلگن و کیین چه لیک محکمه طرفیدن رد قیلینگن اوشبو ممنوعیت, محکمه نینگ قسمی تصدیقی آرتیدن توناوون آقشام دن باشلب تطبیق ایتیله باشله دی. 

خودی منه شوو ممنوعیت نینگ سوریه, لیبیا, سودان, سومالیا, ایران و یمن نی قمره گن لیگی بیلدیریلدی. 

بیراق, خودی منه شوو اولکه لرنینگ تبعه لری بولیب, امریکا ده یشیتگن آته- آنه, ایر یاکه خاتین, باله, بالغ بولگن اوغیل یاکه قیز فرزند,  کیاو, کیلین, نامزاد و اکه – اوکه سی نینگ موجودیتی تقدیرده, ویزه آلیش لری احتمالی نینگ موجود ایکن لیگی قید ایتیلدی. 

عینی دمده برچه اولکه لر دن مهاجر صفتیده امریکا گه کیتیش اوچون مراجعه قیلیش پروسه سی نینگ هم تورت آی لیک بیر مدت بیلن توخته تیب قویلگن لیگی معلوم قیلیندی.