سعودی عربستانگه راکتی هجوم اویوشتیریلدی
خودی منه شوو راکت لر نینگ یمن دن اوریلگن لیگی بیلدیریلدی
یمن دن سعودی عربستان نینگ چیگره ده گی نجران شهریگه راکت اوریلگن لیگی سببلی ایککی کیشی نینگ یره لنگن لیگی معلوم قیلیندی.
نجران شهری ملکی مدافعه اداره سی نینگ سوزلاوچیسی اورینباسری بیرگن بیانات لریده, یمن ده گی حوثی لر تامانیدن اوریلگن اوشبو راکت لر نینگ سعودی عربستان تبعه سی ایککی کیشی نینگ یره له نیشی گه سبب بولگن لیگی نی بیلدیردی.
بیاناتده, خودی منه شوو راکت لرنینگ اوریلگن اوشبو مسکونی منطقه نینگ خساره مند بولگن لیگی بیلدیریلرایکن, منطقه ده کیره ک لیک امنیتی تدبیر لرنینگ آلینگن لیگی بیلدیریلدی.
حوثی لر یمنده مشروع رهبریت گه قرشی کودتا قیلرایکن, شونده ی قیلیب میلادی 2014 نچی ییلی سپتامبر آیی دن بیری پایتخت صنعا داخل ایریم منطقه لر نی کنترول ایتماقده.
سعودی عربستان رهبرلیگی ده گی ائتلاف ایسه یمن حکومتی نینگ طلبی گه بناً میلادی 2015 نچی ییلیدن بیری حوثی لر گه قرشی عملیات اویوشتیریب کیلماقده.
شوباعث, حوثی لر سعودی عربستان نینگ چیگره ده گی شهر لری نی راکت بیلن اورماقده.
علاقه لی ینگی لیکلر
حوثیلر 2 ته کیمه نی نشان آلیب اوردی
اوشبو کیمه لرنینگ قیزیل دینگیز و هند اوقیانوسیده نشان آلیب اوریلگن لیگی بیلدیریلدی
نایجریاده اویوشتیریلگن هجوم عاقبتیده کوپلب کیشی جان بیردی
کیم لیگی نامعلوم کیشیلرنینگ بیر قیشلاق اهالیسی گه قره ته هجوم اویوشتیرگن لیگی بیلدیریلدی