لندن ده مسلمانلرگه قرشی هجوم اویوشتیرگن تروریست نینگ کیم لیگی انیقلندی
لندنده مسجددن تراویح نمازی اوقیب چیققن مسلمانلر نینگ اوستیگه موترینی هیده ب ترور هجومینی اویوشتیرگن ایدی
لندنده مسجددن تراویح نمازی اوقیب چیققن مسلمانلر نینگ اوستیگه موترینی هیده ب ترور هجومینی اویوشتیرگن تروریست نینگ کیملیگی انیقلندی.
انگلستان نینگ پایتختی لندن ده 1 کیشی نینگ اولیمیگه سبب بولگن هجومنی اویوشتیرگن تروریست دیرین اوزبورن ایکنلیگی معلوم بولدی. دیرین اوزبورن 47 یاشده و 4 فرزندی بار.
دیرین اوزبورن موترینی تراویح نمازی نینگ آرتیدن فینسبوری پارک جامع مسجدیدن نمازنی اوقیب چیققنلر نینگ اوستیگه هَیده ب 9 نفرنی یره له دی.
شاهدلر، آق تنلی بیر ایرکک، « مسلمانلرنی اولدیره من» دییه حیقیریب موترینی پیاده لر نینگ اوستیگه هَیده‌گنینی معلوم قیلدی.
تروریست اطرافده گیلر تامانیدن قولگه آلینگن ایدی.
باشقه تاماندن، ترکيه لندن ده‌گی اسلام فوبی ترور هجومینی قاره له دی.
تشقی ایشلر وزیرلیگیدن قیلینگن یازمه بیاناتده، بویوک بریتانيا نینگ فینسبوری پارک منطقه سیده گی بیر مسجد یقینلریده، مسلمانلرنی نشان آلگن، بیر کیشی حیاتدن کوز یومگن و جوده کوپ کیشی نینگ یره لنیشی بیلن نتیجه لنگن ترور هجومینی قیغو بیلن اورگندیک دیب بیلدیریلدی.
بیاناتده، « مبارک رمضان آییده معصوم انسانلرگه قرشی اویوشتیریلگن و بیرلشگن شاه لیک نینگ عنعنوي کوپ مدنیتلی، اوز ارا حرمت و صبر- طاقتگه تیا‌نگن اجتماعي ترتیب و تینچ شرایطنی بوزیشنی مقصد قیلیب آلگن اوشبو هجومنی اینگ قتّيق سوزلر بیلن قاره له ی میز» دیب معلوم قیلینگن.
