امریکا قوشمه ایالتلری نینگ قطرده گی ایلچیسی دانا شل اسمیت اوز وظیفه سیدن استعفا ایتدی
او اوز وظیفه سیدن استعفا ایتگنینی میدیا ترماقلری آرقه لی اعلان قیلرکن، بو نینگ سببی حقیده بیران معلومات بیرمه دی
او اوز وظیفه سیدن استعفا ایتگنینی میدیا ترماقلری آرقه لی اعلان قیلدی.
«امریکا قوشمه ایالتلری نینگ قطرده گی ایلچیسی صفتیده خدمت قیلگنیمگه شو آیده 3 ییل توله دی. بو حیاتیمده گی اینگ کتّه یوتوق بولدی و بو مملکتنی ساغینه من»،دیدی.
او بو نینگ سببی حقیده بیران معلومات بیرمه دی، بیراق متخصصلر نینگ تخمینیگه کوره، امریکا قوشمه ایالتلری نینگ قطرده گی ایلچیسی دانا شل اسمیت ترامپ حکومتی نینگ قطر سیاستینی قاره له گن لیگی اوچون استعفا ایتگن.
امریکا قوشمه ایالتلری تشقی ایشلر وزیرلیگی ایسه، قطر ایلچیسی دانا شل اسمیت نینگ خدمت مدتی تولگنی اوچون لوازمنی ترک ایتیشینی معلوم قیلدی.
وزیرلیک قطر ایلچیسی نینگ وضعیتینی عادتده‌گی دیک وظیفه المشوو دیب بهاله یدی. قاله ویرسه بو قرار نینگ آلینگنیگه انچه بولگن.
معلوم بولگنی دیک، سعودی عربستان، بحرین، عرب امیرلیک لری، مصر و یمن 5 جون کونی تروریزمنی قوللب قوّتله‌گنلیکده عیبلب، قطر بیلن برچه دیپلوماتیک مناسبتلرنی توخته تگن ایدی.
قطرگه هوا چیگره لرینی هم یاپگن سعودی عربستان، عرب امیرلیک لری و بحرین قطرلیک دیپلوماتلرگه مملکتنی ترک ایتیشی اوچون 48 ساعت مهلت بیرگندی.
سعودي عربستان قطر بیلن بولگن بیر‌گینه قوروقلیک چیگره سینی هم یاپدی.
