قطر بیلن ایمس, بلکه اسرائیل بیلن بولگن دیپلماتیک مناسبتلر نی توخته تیش کیره ک
اوشبو سوزلر اردُن رهبریتی گه عکس العمل کورستگن اردُن خلقی نینگ شعاریدن عبارت
سعودی عربستان, بیرلشگن عرب امیرلیک لری و مصر نینگ هم آره سیده موجود بولگن بیر قطار عرب اولکه لری نینگ قطر بیلن بولگن دیپلماتیک مناسبت لرینی توخته تیب قویشی آرتیدن اردُن هم قطر بیلن مناسبت لری نی توخته تیش گه قرار قیلدی.
اردن خلقی ایسه اجتماعی ترماق لر آرقه لی اولکه سی نینگ اوشبو قراری گه قرشی قتتیق بیر شکلده عکس العمل کورستدی.
اردُنلیک لر, "قطر بیلن ایمس, بلکه اسرائیل بیلن بولگن دیپلماتیک مناسبت لرنینگ توخته تیلیشی کیره ک ایدی" شکلیده شعار بیردی.
شونده ی قیلیب اردنلیکلر سعودی عربستان نی حمایه لش اوچون قرال عبدالله تامانیدن آلینگن اوشبو قرار گه اعتراض بیلدیردی.
ایریم معترض لر ایسه, "بیز بحران نینگ ییچیلیشی اوچون حکومتی میز دن واسطه چیلیک قیلیشی نی کوترایکن, عکسینچه حکومت جنجال نینگ ایچی گه کیریب کیتدی" شکلیده عکس العمل کورستدی.
ینه بیر معترض ایسه, "غزه کتته قیین چیلیک لر گه دوچ کیلیب قالگنده, فقط گینه قطر غزه خلقی نی حمایه له دی خلاص" شکلیده یازدی.
