انگلستان باش وزیری تروریستیک هجوم بیلن تیگیشلی بیانات بیردی
هجوم بیلن علاقه لی کتّه بیر گروه نینگ موجودلیگینی احتمالدن تشقری دیب اویله مه ی میز
انگلستان باش وزیری ترزا می، اولکه ده گی ترور تهدید سویه سینی اینگ یوکسک سویه بولگن « کریتیک» باسقیچیگه چیقرگنینی ایضاح ایتدی.
منچسترده یوز بیرگن ترور هجومی نینگ آرتیدن ایکّینچی مراتبه خوفسیزلیک بروکراتي اشتراک ایتگن جلسه گه رهبرلیک قیلگن می، کیینچه لیک مطبوعات انجمن اویوشتیریب بیانات بیردی.
هجومچی یالغیز حرکت قیلدی می یاکه بیر ترماق نینگ بیر پرچه سی می؟ بونی انیقلش اوچون خوفسیزلیک کوچلری و خوفسیزلیک بیرلیکلری تیرگاولرینی دوام ایتتیرگنینی ایضاح ایتگن می،
« هجوم بیلن علاقه لی کتّه بیر گروه نینگ موجودلیگینی احتمالدن تشقری دیب اویله مه یمیز» دیدی.
اولکه ده گی ترور تهدیدی سویه سینی بیلگیلشدن مسوول مستقل بیرلیک بولگن مشترک ترور تیکشیروو مرکزی قولیده گی یشیرین خبرگه ته یه نیب تهدید سویه سینی کوتریشنی محاکمه قیلگن می،
« بوگونکی تیرگاولرگه ته یه نیب اولکه ده گی تهدید سویه سینی « جدّي اوله راق « حسّاس» باسقیچیگه چیقریشگه قرار بیردی.
بو، بیر هجوم نینگ فقط کتّه احتمال بیلن هر لحظه عملگه آشیریلیشی معناسیگه کیله دی» دیب بیلدیردی.
ترور تهدید سویه سینی کوتریش ایسه پولیس گه ینگی منبعلر و دستک تأمین ایته دی دیگن انگلستان باش وزیری می، پولیس بو دایره ده مدافعه وزیرلیگیدن قوراللی حربي خادم طلب ایتیش اوچون صلاحیت ایسته گنینی، وزیرلیک بونی تصدیق قیلگنینی معلوم قیلدی.
می، پولیس و خوفسیزلیکنی سقلش کوچلریگه جماعت چیلیک نی حمایه قیلیش اوچون تورلی امکانیت و یاردم بیریله دی، دیدی.
« حساس» سویه، انگلستان ده گی ترور تهدید سویه لری شکلی اینگ یوکسک باسقیچینی تشکیل ایتماقده.
منچستر کنسرت جاییده دوشنبه تونی امریکالیک اشوله چی آریا‌نا گرا‌ند نینگ کنسرتی نینگ آخریده یوز بیرگن هجومده، کوپ چیلیگینی باله لر تشکیل ایتگن 22 کیشی هلاک بولدی و 59 کیشی ایسه یره لندی.
