امریکا قوشمه ایالتلری دولت باشلیغی دونالد ترامپ ایتالیاگه سفر اویوشتیردی
ترامپ اوّلا کاتولیکلر نینگ روحاني رهبری و واتیکان دولت رهبری پاپ فرا‌نسیس بیلن اوز ارا ملاقات اوتکزدی.
ترامپ تشریفی دوامیده پایتخت روم و واتیکانده بوله دی.
پاپ بیلن ترامپ نینگ اساساً، اقلیم اوزگریشی و مهاجرلر موضوعلریده بیر- بیریگه قره مه - قرشی فکرلرگه ایگه بولیشی و بوندن آلدین میدیا واسطه سیده بیر- بیری بیلن گپ تشلگنی اوشبو ملاقاتگه بولگن قیزیقیشنی کوچه یتیرماقده.
ترامپ سیلاو آلدی کمپاینی پیتیده، مکسیکو چیگره سینی دیوار بیلن توسیش فکرینی آلغه سورگندی.
پاپ ترامپ نینگ بو فکرینی تنقید قیلیب، «دیوار اورماقچی بولگن کیشی نینگ بیر عیسوی بولیشی ممکن ایمس» دیگن ایدی.
جمهور رئیس بولیب سیلنگچ، پاپ بیلن تارتیشیشدن اوزینی آلیب قاچگن ترامپ نامزد بولگن پیتلرده ایسه پاپ گه نسبتاً «بیر دیني رهبر باشقه سی نینگ اعتقادینی تحلیل قیلیشی اچینرلی حالت» دییه جواب بیرگن ایدی.
شونینگدیک، پاپ امریکا قوشینی نینگ اینگ کوچلی بمبیگه نسبتاً «برچه بمبلر نینگ آنه سی» دیب نامله گنینی تنقید قیلیب، «آنه حیات بغشله یدی، بو ایسه اولیم آلیب کیله دی» دیگندی.
ترامپ واتیکان دولت سکرتری پییترا پرولین بیلن اوچره شگچ، واتیکان سرایی ایچیده جایلشگن عبادتخانه سینی زیارت قیله دی.
امریکا قوشمه ایالتلری جمهور رئیسی دونالد ترامپ واتیکانده گی اوچره شوولرینی یکونلب، ایتالیا جمهور رئیسی سیرگیا ماتتریلله و ایتالیا باش وزیری پالا گینتیلانی بیلن اوچره شه دی.
دونالد ترامپ باشچی لیگیده گی هیئت بوگون امریکا قوشمه ایالتلری دولت باشلیغی و هیئتی ناتو رهبرلر جلسه سیگه قتنه شیش اوچون بلجیم نینگ پایتختی بروکسل گه جونب کیته دی.
ترامپ ناتو جلسه سیدن سونگ، G-7 رهبرلر جلسه سیگه قتنه شیش اوچون تکرار ایتالیاگه قَیته دی.
دونالد ترامپ نینگ رومگه تشریفی مناسبتی بیلن پایتختده خوفسیزلیک نظارتی کوچه یتیریلدی.
درواقع، پایتخت روم ده ترامپ گه قرشی ناراضیلیک نمایشی اوتکزیلدی.
نمایشچیلر ترامپ و امریکا سیاستینی قاره له‌دیلر.
