سعودی عربستان گه قره ته راکتی هجوم اویوشتیریلدی

یمن دن سعودی عربستان نینگ چیگره ده گی شهریدن عبارت نجران گه راکتی هجوم اویوشتیریلدی. 

اوشبو حادثه عاقبتیده 5 کیشی یره لندی. 

سعودی عربستان نینگ الاخباریه تلویزیونی, اوشبو یره لنگن کیشی لرنینگ بیر نفری نینگ عیال ایکن لیگی نی معلوم قیلدی. 

خبرده, اوشبو راکتی هجوم نی یمن ده گی قیسی تامان نینگ اویوشتیرگن لیگی حقیده معلومات بیریلمه دی. 

یمن ده مشروع حکومت گه قرشی کودتا قیلگن حوثی لر میلادی 2014 نچی ییلیدن بیری یمن پایتختی صنعا داخل ایریم منطقه لر نی کنترول ایتماقده. 

میلادی 2015 نچی ییلی مارچ آییدن بیری ایسه یمن حکومتی نینگ طلبی گه بناً سعودی عربستان ایتکچی لیگی ده گی ائتلاف کوچ لری حوثی لر گه قرشی عملیات اویوشتیریب کیلماقده. 

شونده ی قیلیب حوثی لر سعودی عربستان نینگ یمن چیگره سیده اورین آلگن نجران و جازان شهری لری گه تیز تیز راکتی هجوم اویوشتیریب تورماقده. 

اوشبو راکت لرنینگ اکثریتی نینگ هوائی مدافعه سیستم لری تامانیدن تاثیر سیز وضعیت گه کیلتیریلگن لیک لری گه قره مسدن, ایریم پیت لرده خودی منه شوو راکت لرنینگ سعودی عربستانده تلفات گه سبب بولیتگن لیگی هم کورینماقده. 

حوثی لر یمن نینگ زیدی شیعه بیر جریانی نی تشکیل ایتماقده.  اوشبو جریان اسمی نی اساسچی لریدن عبارت بدرالدین الحوثی دن آلگن.  خودی منه شوو گروه میلادی 2004 نچی ییلیده قوراللی فعالیت لری گه باشله گن.