ایندی افغانستان تبعه لری ویزه سیز بیر شکلده امریکا گه سفر قیله دی

امریکا قوشمه ایالتلری دولت رهبری دونالد ترامپ افغانستان تبعه لری نینگ ویزه سیز بیر شکلده امریکا گه سفر قیلیش لری توغری سیده گی بیر فرمان نی امضاله دی.

اوشبو فرمان دایره سیده افغانستان تبعه لری ویزه آلمسدن امریکا قوشمه ایالتلری گه سفر قیلیش امکانیتی گه ایگه بوله دی. 

اوشبو دایره ده تجارت و توریزم مقصدی بیلن ویزه سیز بیر شکلده امریکا گه سفر قیله دیگن افغانستان تبعه لری نینگ 180 کون لیک بیر مدت بیلن خودی منه شوو اولکه ده قالیش لری ممکن. 

بیراق, 180 کوندن آرتیغراق قاله دیگن افغانستان تبعه لری نینگ ویزه آلیش لری کیره ک بوله دی. 

ترامپ, افغانستان بیلن امریکا آره سیده گی تجارت میزانی نینگ آرتریلیشی اوچون اوشبو فرمان نی امضاله گن لیگی نی بیلدیردی. 

بیراق, سوریه, ایران, لیبیا, سومالیا و یمن تابعیتی گه هم ایگه بولگن افغانستان تبعه لری نینگ اوشبو امکانیت دن فایده له نیش لری ممکن ایمس. 

دونالد ترامپ, بیر مدت آلدین امضاله گن فرمانی دایره سیده اوشبو اولکه لرنینگ تبعه لری نینگ امریکا قوشمه ایالتلری گه سفر قیلیش لری نی ممنوع قیلیب قویگن ایدی. 

آلدین امریکا و افغانستان مقام لری نینگ ایککی اولکه آره سیده گی تجارت و همده ویزه موضوعی توغری سیده بحث ایتگن لیک لری بیلدیریلگن ایدی.