امریکا ده داعش گه قرشی کوره ش بوییچه ییغیلیش بولیب اوته دی

داعش گه قرشی کوره ش اوچون 68 اولکه نینگ اشتراکی بیلن خلق ارا بیر ییغیلیش بولیب اوته دی.  
امریکا قوشمه ایالت لریده بولیب اوته دیگن اوشبو ییغیلیش جریانیده ترور تشکیلاتی داعش گه قرشی کوره ش بوییچه ائتلاف نینگ بوندن کیین تشلیدیگن قدم لری باره سیده بحث ایتیله دی.  
اوشبو ییغیلیش گه امریکا قوشمه ایالتلری تشقی ایشلر وزیری ریکس تیلرسن میزبان لیک قیله دی.  
واشنگتن ده بولیب اوته دیگن اوشبو ییغیلیش نینگ مارچ آیی نینگ 22 نچی و 23 نچی کونلری آره سیده اوتکزیلیشی ریجه لنماقده.  
اوشبو ییغیلیش گه ترکیه هم اشتراک ایته دی.
روسیه ایسه اوشبو ییغیلیش گه اشتراک ایتمیدی.  
امریکا قوشمه ایالتلری تشقی ایشلر وزیرلیگی نینگ اوتکینچی سوزلاوچیسی مارک تونر, روسیه نینگ اوشبو ییغیلیش گه اشتراک ایته دیگن لیگی یاکه ایتمیدیگن لیگی بیلن علاقه لی بیر سئوال گه جواب قیتررایکن, "روسیه اوشبو ییغیلیش گه اشتراک ایتمیدی" دییه قید ایتدی.