فرانسه ده جمهوررئیس لیگی کاندیدی نینگ اویی تلاشی بولدی

فرانسه ده جمهوررئیس لیگی کاندیدی نینگ اوی تلاشی بولدی. 

فرانسه پولیسی, حقیده عدلی تحقیقات باشله تیلگن جمهوررئیسلیگی کاندیدی فرانسوا فیون نینگ اویی نی تلاشی قیلدی. 

اوشبو تلاشی نینگ بیر نیچه ساعت دوام ایتگن لیگی بیلدیریلدی. 

قاره لاوچیلیک اوتگن هفته بیرگن تحریری بیاناتیده, فیون حقیده, دولت امکان لریدن منفی بیر شکلده استفاده ایتیش, اوشبو جرم لر نی یاشیریش, نفوذی دن یمان جهتده استفاده قیلیش و وظیفه سی نی یخشی بیر شکلده اجرا قیلمس لیک عیبلاو لری بیلن عدلی تحقیقات باشله تیلگن لیگی نی بیلدیرگن ایدی. 

فیون و عیالی مارچ آیی نینگ 15 نچی کونیده ایسه محکمه گه چقیریله دی. 

قاره لاوچیلیک, فیون نینگ عیالی نینگ 8 ییل لیک بیر مدت بیلن هیچ ایشله مسدن, "مشاور" صفتیده ایشله گن دیک کورینیب 900 مینگ یورو معاش آلگن لیگی و اوشبو سیاستچی نینگ ایککی فرزندی نینگ هم 2 ییل دوامیده هیچ ایشله مسدن ینه "مشاور" بولیب ایشله گن لیگی بهانه سی بیلن 84 مینگ یورو معاش آلگن لیگی ادعا لری نی تیکشیریب چیقیش اوچون عدلی تحقیقات باشلتگن ایدی. 

اوشبو ینگی لیک لر آرتیدن ایندی فیون نینگ کاندید لیک دن واز کیچیشی کیره ک ایکن لیگی نی بیلدیریتگن کیشی لرنینگ سانی نینگ هم کونساین آرتیب باریتگن لیگی بیلدیریلماقده.