امریکا ده مطبوعات ایرکین لیگی معما سی باشله دی

یلغان خبر لرنینگ ترقه تیلگن لیگی گه تیگیشلی امریکا قوشمه ایالتلری دولت رهبری دونالد ترامپ بیلن میدیا آره سیده گی جنجال لر آرتیب کیترایکن, توناوون آق اویده بولیب اوتگن مطبوعاتی کنفرانس گه ایریم میدیا منسوب لری نینگ کیریشی گه اجازت بیریلمه دی. 

میدیا منسوب لرینی حیرت لنتریب قویگن اوشبو قرار نینگ جزئیاتی کیین چه لیک انیق لشدی. 

شونده ی قیلیب CNN, New York Times, The Hill, Politico, BuzzFeed, Daily Mail, BBC, Los Angeles Times و New York Daily News کبی نشراتی اورگان لرنینگ منسوب لری آق اوی سوزلاوچیسی سین سپایسر نینگ مطبوعاتی کنفرانسی گه اشتراک ایته آلمه دی.

اوشبو قرار گه عکس العمل کورستگن اسوشیتید پریس آژانسی بیلن تایمز مجله سی هم اجازت بیریلگن حالده کنفرانس گه اشتراک ایتمه دی. 

خودی منه شوو مطبوعاتی کنفرانس جریانیده سپایسر, اوتگن کون ترقتگن خبری سببلی سی ان ان گه قتتق عکس العمل کورسترایکن, سی ان ان نینگ خبر لری نینگ هیچ قچان حقیقت ایمس لیگی نی بیلدیردی. 

دولت رهبری دونالد ترامپ هم, میدیا نی تنقد ایترایکن, "ناتوغری خبر لر گه قرشی کوره شه باشله دیک.  حقیقتی بولمه گن خبر نینگ خلقی میز نینگ دشمنی دن عبارت ایکن لیگی نی بیلدیرگن ایدیم.  چونکه منبعی یوق.  منبعی یاشیریلگن خبر لر نی ترقتماقده لر.  کیره ک بولگن تقدیرده ایسه منبع تیارله ماقده لر" دییه قید ایتگن ایدی.