بیرلشگن ملتلر تشکیلاتی تورت اولکه اوچون یاردم طلب ایتماقده

بیرلشگن ملتلر تشکیلاتی تورت اولکه اوچون یاردم طلب ایتماقده

بیرلشگن ملتلر تشکیلاتی جنوبی سودان، نایجریا، سومالی و یمن ده 20 ملیوندن آرتیق کیشی نینگ آچرچیلیک بیلن دوچ قالگن لیگینی بیلدیردی.

اوشبو اولکه لر اوچون 4.4 ملیارددالرلیک عاجل یاردم طلب ایتدی.

بیرلشگن ملتلر تشکیلاتی عمومی منشیسی انتونیو گوترز، آچرچیلیک بیلن دوچ قالگن جنوبی سودان، نایجریا، سومالی و یمن ده گی انسانی بحرانگه دقت ترتدی.

گوترز، بو اولکه لرده ملیونلب انسان نینگ ییترسیز تغذیه بولگن لیگی باعث اولر چاغیگه کیلگن لیگینی قید ایتدی.

"منطقه ده یوقمه کسل لیکلرنینگ کوپه ییب کیتگن لیگینی معلوم قیلیب، بویوک بیر فلاکت گه مانع بولیش اوچون مارچ آیی نینگ آخری گچه 4.4 ملیارد دالرگه ضرورت بار. کوپ سانده باله لر اولگندن کیین یاردم لرنینگ کیلیشینی خواهله مه ی من. فلاکت گه مانع بولیش اوچون منه شو پیله حرکت قیلیش کیره ک" دیب ایتدی.   

بیرلشگن ملتلر تشکیلاتی نینگ راپوریگه کوره، جنوبی سودان، نایجریا، سومالی و یمن ده 20 ملیوندن آرتیق کیشی آچرچیلیک بیلن دوچ قالگن.

بیرلشگن ملتلر تشکیلاتی نینگ باله لرگه یاردم فندی یونسف (UNICEF) مذکور اولکه لرده 1.4 ملیون باله نینگ آچ لیق باعث اولر چاغیگه کیلگن لیگینی معلوم قیلماقده.