بالاخره امریکا بیلن روسیه آره سیده جنجال پیدا بولدی
بالاخره امریکا بیلن روسیه آره سیده جنجال پیدا بولدی
روسیه بیلن امریکا آره سیده ینه جنجال باشلب کیتدی.
دونالد ترامپ نینگ امریکا قوشمه ایالتلری نینگ ینگی دولت رهبری بولیشی آرتیدن روسیه بیلن امریکا آره سیده گی علاقه لر نینگ یخشی له شیشی بوییچه امید پیدا بولرایکن, اوکرائین موضوعی بوییچه تامان لر آره سیده گی جنجال لرنینگ آرتیب کیتگن لیگی اوشبو امید لرنینگ یوق بولیب کیتیشی گه سبب بولماقده.
اوکرائین مسئله سی بوییچه امریکا بیلن روسیه نینگ بیر بیر لری گه قرشی قتتیق گپ لر گپیرگن لیک لری بیلینماقده. دونالد ترامپ, اوکرائین نینگ قیریم منطقه سی نینگ روسیه گه الحاق ایتیلیشی بوییچه قتتیق گپیردی.
ترامپ, فبروری آیی نینگ ۱۴ نچی کونیده اوز سوزلاوچی سی شان سپایسر واسطه سی بیلن بیرگن بیاناتلریده, روسیه نینگ میلادی ۲۰۱۴ نچی ییلیده اوزی گه الحاق قیلیب آلگن قیریم منطقه سی نی قیتریب اوکرائین گه بیریشی کیره ک ایکن لیگی نی بیلدیردی.
ترامپ, قیریم نی اوکرائین گه قیتریب بیریشی تقدیرده, امریکا قوشمه ایالت لری نینگ روسیه گه قره تیلگن تحریم لری نی بیکار قیله دیگن لیگی نی بیلدیردی.
روسیه تامانی هم ترامپ نینگ اوشبو سوز لری گه قرشی قتتیق عکس العمل کورستدی. روسیه پارلمانی نینگ باشلیغی ویاچسلاو وولودین, "قیریم منطقه سی روسیه نینگ بیر بولیمی دن عبارت بولیب, اوشبو منطقه نینگ اجره تیلیشی نینگ طلب ایتیلیشی روسیه نینگ ارضی تمامیتی گه تجاوز دن عبارت" دییه قید ایتدی.
روسیه پارلمانی وکیلی ویکتور اوسروف, "قیریم مسئله سی بوییچه مذاکره قیلیش ممکن ایمس" و روسیه تشقی ایش لر وزیرلیگی نینگ سوزلاوچیسی ماریا زاخارووا ایسه, "توپراق لری میز نی هیچ بیر اولکه گه بیریشی میز ممکن ایمس" دییه قید ایتدی.
اوشبو خبر لر گه قره گنده, روسیه نینگ سیاسی مقام لری نینگ ترامپ و اونینگ روسیه گه تیگیشلی سیاست لری توغری سیده قیته باشدن باش قاتیریب باشله گن لیگی کورینماقده.
