فرانسه ده دولت مسجدلرنی یاپیب بارماقده

یینه بیر مسجد یاپیلدی

فرانسه ایچکی ایشلر وزیرلیگی اضطراری وضعیت چوکاتیده یینه بیر مسجدنینگ یاپیلگن لیگینی بیلدیردی.

وزیرلیکدن بیریلگن معلوماتده، "دارلسلام آتیده گی مسجد اضطراری وضعیت چوکاتیده مسجد امامی رادیکال آیدولوژی و تبعیض گه تشویق ایتگن لیگی باعث فعالیتی توخته تیلیب، یاپیب قوییلدی" دیب، افاده ایتلگن.

عین دمده مسجد امامی نینگ منطقه ده گی جمعیت گه قره ته اجتماعی فشار وارد قیلیووچی سوزلری نینگ مسجدنینگ فعالیتی توخته تیلیب یاپیلیشی گه باعث بولگن لیگی بیلدیریلدی.

فرانسه ده اضطراری حالت اعلان قیلینگندن بیری حاضرگچه تقریباً 20 مسجدنینگ فعالیتی توخته تیلیب یاپیلیب قوییلگن.

پاریس نینگ 6 منطقه سیده 2015-ییل 13 نوامبر تاریخیده اویوشتیریلگن و 130 نفر اولگن ترورچیلیک حادثه سی نینگ آرتیدن فرانسه ده اضطراری حالت اعلان قیلینگن ایدی. اوتگن ییل اضراری وضعیت کوتاریلیب، نورمال وضعیت گه اوتماقچی بولگن فرانسه ده نیس شهریده اویوشتیریلگن و 84 نفرنینگ اولیشی گه باعث بولگن ترورچیلیک هجوم نینگ آرتیدن تکرار اضطراری وضعیت دوام ایتدی.