دنیا نینگ اینگ تنیقلی صنعتچیسی تروریست اعلان ایتیلدی

امریکا قوشمه ایالت لری نینگ اینگ کتته قوشیقچی لریدن بیری بولگن مادوننا تروریست اعلان ایتیلدی. 

مادوننا, امریکا نینگ ینگی دولت رهبری دونالد ترامپ گه قرشی بولیب اوتگن عیال لر نینگ مظاهره لری گه اشتراک ایترایکن, خودی منه شوو مظاهره لر جریانیده بیرگن بیاناتلریده, "آق اوی نی پارتله تیب یوبارگیم کیلدی" دییه قید ایتگن ایدی. 

اوشبو سوز لری سببلی مادوننا بیلن علاقه لی تیرگاو باشله تیلدی. 

عینی دمده امریکا نینگ اینگ مشهور قوشیقچی سی بولگن مادوننا, کوپلب ترامپ طرفدار لری تامانیدن تروریست اعلان ایتیلدی. 

بونگه قره مسدن, مادوننا تویتر آرقه لی بیرگن بیانات لریده, هم ترامپ و همده امریکا یاشیرینچ خبر آلیش تشکیلاتی نی سوکدی. 

کیین چه لیک ایسه مادوننا تویتر ده گی اوشبو پیامی نی آلیب تشله دی. 

بیراق, مادوننا کیین چه لیک انستاگرام آرقه لی بیرگن بیانات لریده, "مین خشونت گه طرفدار بیر کیشی ایمس من.  انسان لرنینگ مینینگ گپ لریم نینگ بیر قسمیدن استفاده ایتیش اورنی گه گپ لریم نینگ همه سینی درک ایتیش لری کیره ک ایدی" دییه قید ایتدی.