ترامپ: روسیه بیلن یمان مناسبت احمق لیکدن عبارت

امریکا قوشمه ایالتلریده دولت رهبری ایتیب سیلنگن دونالد ترامپ, امریکا نینگ روسیه بیلن یخشی مناسبت لر گه ایگه بولیشی گه مخالف کیشی لرنینگ احمق ایکن لیک لری نی بیلدردی.  

ترامپ, اوشبو مطلب نی, امریکا استخباراتی نینگ, ترامپ نینگ منفعتی گه اویغون بیر شکلده هیلاری کلینتن نینگ سیلاو کمپاینی گه ضرر بیریش اوچون روسیه حکومتی نینگ دموکراتیک حزب و اونینگ ایریم اعضا لری نی هکله گن لیگی نی بیلدیریشی آرتیدن اظهار قیلدی.  

دونالد ترامپ, "روسیه بیلن یخشی بیر مناسبت گه ایگه بولیش یمان ایمس, بلکه یخشی بیر سیاست.  فقط گینه احمق کیشی لر بونینگ یمان بوله دیگن لیگی نی اویلیدی خلاص.  مین دولت رهبری بولگنیمده, روسیه آلدینگی پیت لرگه کوره ینه ده کوپراق امریکا گه حرمت کورسه ته دی. شونده ی قیلیب ایککی اولکه نینگ دنیا ده گی کوپلب قیین چیلیک لرنینگ ییچیلیشی اوچون بیر یقه دن باش چیقاریشی ممکن" دییه قید ایتدی. 

امریکا استخباراتی, سیلاو لر پروسه سی نینگ هک قیلینیشی بویروغی نی روسیه دولت رهبری ولادیمیر پوتین نینگ اوزی نینگ بیرگن لیگی نی بیلدیردی.  

بیراق, دونالد ترامپ, روسیه نینگ سیلاو پروسه سی گه اره له شیشی موضوعی نی رد قیلیب کیلماقده.