هندستان ده تشقی ایشلر وزیرلری اوچره شوویده افغانستان مسئله سی مطرح قیلیندی

هندستان ده تشقی ایشلر وزیرلری اوچره شوویده افغانستان مسئله سی مطرح قیلیندی

آسیانینگ قلبی استانبول جریانی 6 نچی وزیرلر کنفرانسی، هندستان نینگ میزبان لیگیده امریستار شهریده بولیب باشلندی.

مذکور ییغین گه ترکیه دن تشقی ایشلر وزیری مولد چاوو اوغلی قتنشدی.

اوشبو ییغین گه افغانستان و اطرافیده استقرار و تینچ لیک نی برقرار قیلیش اوچون پلان ریجه لش توغریسیده گی موضوعلر مطرح بولیب اوتگن لیگی بیلدیریلدی.

ترکیه تشقی ایشلر وزیری مولد چاووش اوغلی ییغین گه قتنشگن لرگه خطاباً، ترکیه نینگ افغانستانگه قره ته آلیب باریلگن همکارلیگی حقیده معلومات بیردی. چاووش اوغلی افغانستانگه توسعه و خوفسیزلیک ساحه لریده همکارلیگیمیز دوام ایته دی، دیدی.

عین دمده خلق ارا جمعیت نینگ قیلگن همکارلیگی بیلن علاقه لی ممنونیتینی اورغوله دی.

ترکیه، 2011 نچی ییل افغانستان نینگ کیلجگی اوچون آلیب بارگن جریانده، افغانستان نی "آسیانینگ قلبی" اوله راق بهالندیرماقده. اوشبو جریانگه افغانستان گه قوشنی اولکه لر قاله ویرسه چین و سعودی عربستان هم همکارلیک قیلماقده. عین دمده امریکا قوشمه ایالتلری بیلن بیرلشگن ملتلر تشکیلاتی هم جریان نینگ مهم همکارلریدن سنله دیلر.

مولد چاووش اوغلی ترکمنستان و قیرغزستان تشقی ایشلر وزیرلری بیلن هم اوچره شگن لیگی قید ایتیلدی.