دونالد ترامپ نینگ قنده ی بیر سیاست آلیب باریشی ممکن؟

نوامبر آیی نینگ ۸ نچی کونیده بولیب اوتگن سیلاولر نتیجه سیده جمهوریتچی کاندید دن عبارت دونالد ترامپ امریکا قوشمه ایالتلری نینگ ینگی جمهوررئیسی اوله راق سیلندی.  ترامپ نینگ سیلاو کمپاین لری جریانیده اورته شرق بیلن علاقه لی بیرگن بیاناتلری, اونینگ جمهوررئیس لیگی دوریده باشقه چه بیر سیاست آلیب باره دیگن لیگی نی کورستماقده.  شوباعث, امریکا قوشمه ایالتلری نینگ اورته شرق بوییچه سیاست لری توغری سیده ایریم اوزگریش لرنینگ بحث موضوعی بوله دیگن لیگی نی ایسله تیب اوتیشی میز ممکن. 

عموماً آلیب قره گنده ترامپ نینگ دموکرات اوباما نینگ لیبرال خلق ارا سیاستیدن فرقلی بیر سیاست آلیب باره دیگن لیگی کورینماقده. ترامپ, امریکا قوشمه ایالتلری نینگ خلق ارا جامعه بیلن یخشی علاقه لر قوریشی نینگ اوزی نینگ ییترلیک ایمس لیگی نی اویله ماقده.  خلق ارا تشکیلات لرده گی موجودیتی هم خودی منه شونده ی البته که.  مهم بولگن موضوع ایسه اوشبو علاقه لر نینگ مادی تامانیدن عبارت.  ترامپ جهتی دن آلیب قره گنده, اوشبو علاقه لر بوییچه مصرف نینگ عایدات دن آرتیغراق بولیشی تقدیرده, خودی منه شوو موضوع بوییچه ناتوغری بیر سیاست بحث موضوعی. 

تیمی ده افراطی راستگرا لرنینگ موجود ایکن لیگی گه قره مسدن ترامپ, اوباما دن آلدینگی بوش دوری ده گی سیاست لر گه هم طرفدار ایمس.  ترامپ, باشقه بیر جایگه  رژیم نینگ انتقال ایتتیریلیشی, دموکراسی آلیب باریلیشی و ملت تشکیل ایتیلیشی کبی تشبث لر گه مطلق صورتده مخالف.  بشری منبع لر سوزی هم ترامپ نینگ تشقی سیاستیده هیچ قنده ی بیر اورنی یوق.  حتی قِیناق دن دفاع قیلیشدن هم تارتینمیدی ترامپ.  ترامپ نینگ, اورته شرق سیاست لری بوییچه اینگ مهم عنصر نینگ تروریزم گه قرشی کوره ش دن عبارت ایکن لیگی اونینگ خودی منه شوو قیناق دن دفاع ایتیشی نینگ سببی نی تشکیل ایتماقده. 

نیمه بولیشی گه قره مسدن, تروریزم گه قرشی کوره ش کوپلب جهت دن اوزیگه خاص بیر اهمیت گه ایگه.  بیرینچی دن اوشبو سیاست لرنینگ اسلام هراس لیک تامیری موجود.  اسلام تروریزم بیلن ارتباط بیریلماقده.  فقط گینه ترامپ نینگ اوزی ایمس, بلکه اونینگ تیمی ده گی باشقه کیشی لر هم خودی منه شونده ی بیر مفکوره گه ایگه.  اوشبو جهت دن آلیب قره گنده فقط گینه ترور تشکیلاتی داعش ایمس, بلکه سوریه ده گی مخالف لر و حتی اخوان المسلمین هم تروریست اوله راق بهالنتریلماقده.

ایککینچی دن, تروریزم گه قرشی کوره ش بوییچه چقور بولمه گن سیاست لر, قریب یریم عصردن بیری ریفورم بوییچه تشقی دنیا نینگ باسیم لری گه دوچ کیلیب قالگن منطقه ده گی رژیم لر نی راحت له تیب قویگن وضعیتده.  اوشبو جهت دن آلیب قره گنده اورته شرق جغرافیه سیدن بیرینچی کیشی بولیب ترامپ گه قونگغراق قیلیب اوز تبریک لری نی بیلدیرگن کیشی مصر دولت رهبری جنرال عبدالفتاح السیسی دن عبارت بولدی.  خودی منه شوو موضوع نینگ اوزی ایسه اوزی گه خاص بیر اهمیت گه ایگه.  تروریزم گه قرشی کوره ش بوییچه همکارلیک ایتیشی تقدیرده, ترامپ نی, اولکه لریده کیم لر گه ظلم ایته دیگن لیگی نینگ قیزیقتیرمیتگن لیگی کورینماقده. 

اوچینچی دن, اوباما رهبریتی نینگ سونگگی بیش ییلده گی ناتوغری سیاست لری, روسیه و ایران کبی اولکه لر و عراق لیق شیعه جنگری لر, پی وای دی و حزب الله سنگری گروه لرنینگ منطقه ده ایریم موفقیت لر قول گه کریتیش لری گه سبب بولیب کیتدی.  ترامپ نینگ, اورته شرق بوییچه سیاست لری, اوشبو موفقیت لرنینگ ینه ده آرتیب کیتیشی گه سبب بوله دی. 

ترامپ نینگ, تروریزم نی سنی مسلمان لر بیلن ارتباط بیرگن لیگی کورینماقده.  اوشبو دایره ده, خودی منه شوو مفکوره بیلن منطقه ده اوز موجودیتی نی دوام ایتتیریش گه حرکت ایتیتگن روسیه بیلن هم مشترک بیر جهت کسب ایتگن وضعیتده.  شونده ی قیلیب ترامپ نینگ اقتداری دوریده سوریه ده گی بشار الاسد رژیمی نینگ ایریم امکانیت لر گه ایگه بوله دیگن لیگی کورینماقده.  ترامپ جهتی دن, مهم بیر قسمی نی اسلامی عنصر لر تشکیل ایتیتگن سوریه رژیمی مخالف لری هم تروریست لر دن عبارت.  اوشبو جهت دن آلیب قره گنده ترامپ بشار الاسد نی هم یمان لرنینگ یخشی سی اوله راق بهالنتیرماقده.  عینی دمده روسیه نینگ ترامپ تامانیدن بیر همکار اوله راق بهالنتیریلگن لیگی نینگ اوزی هم ترامپ نینگ بشار الاسد بیلن همکارلیک ایته دیگن لیگی گه تیگیشلی مهم بیر دلیل نی تشکیل ایتماقده. 

ترامپ نینگ, بشار الاسد نی تروریزم گه قرشی کوره ش بوییچه بیر متفق اوله راق بهالنتیریتگن لیگی سببلی ایندی سوریه ده بشار الاسد سیز بیر ییچیم یولی نینگ تاپیلمیدیگن لیگی کورینماقده.  بیراق, اوروش لرنینگ دوام ایتیتگن لیگی سوریه مهاجر لری نینگ عاقبتی نینگ نیمه بوله دیگن لیگی گه تیگیشلی ایریم سئوال لرنینگ پیدا بولیشی گه سبب بولماقده.  ترامپ ایسه, آره بیر منطقه نینگ تشکیل ایتیلیب اوشبو مهاجر لرنینگ خودی منه شوو ییر لر گه جایلشتیریلیشی کیره ک ایکن لیگی نی بیلدیرماقده.  ترامپ نینگ اساسی هدفی, اوشبو کیشی لرنینگ امنیتی نینگ تامین ایتیلیشیدن عبارت ایمس.  مسلمان لرنی تهدید اوله راق بهالنتیریتگن ترامپ, سوریه دن غرب گه مهاجر لر نینگ کیلیشی گه مانع بولیش گه حرکت ایتماقده.  سوریه لیک لر ایسه, ترامپ نی, امید لری نی توگه تیب قویه دیگن بیر کیشی اوله راق بهالنتیرماقده. 

سوریه لیک لردن تشقری, ترامپ نینگ دولت رهبرلیگی دوریده اینگ کوپ منفی تاثیرله نه دیگن کیشی لرنینگ فلسطین لیک لردن عبارت ایکن لیگی نی معلوم قیلیش کیره ک.  حاضرگی کون گه قدر امریکا ده گی سیلاو کمپاین لریده اینگ کوپ اسرائیل دن طرفدارلیک قیلگن کیشی هم ترامپ دن عبارت.  ایندی امریکا رهبریتی نینگ اسرائیل نی فلسطین رهبریتی بیلن مذاکره گه مجبور قیلیشی ممکن ایمس.  ترامپ نینگ, یهودی تورر جای لرنینگ قوریلیشی گه مخالف ایمس لیگی کورینماقده.  ترامپ نینگ, بیت المقدس نینگ اسرائیل نینگ ابدی پایتختی اوله راق قبول ایتیلیشی نینگ هیچ قنده ی بیر ضرری نینگ بولمه گن لیگی نی بیلدیریتگن لیگی ایسه باشقه اینگ یمان بیر موضوع نی تشکیل ایتماقده. 

ترامپ نینگ, اوباما دوریده امضالنگن هستوی کیلیشو گه مخالف ایکن لیگی هم بیلینگن بیر حقیقت نی تشکیل ایتماقده.  بیراق, اوشبو وضعیت نینگ ایران بیلن امریکا قوشمه ایالتلری آره سیده گی علاقه لر گه منفی تاثیر قالدیره دیگن لیگی نی بیلدیریشی میز ممکن ایمس.  عکسینچه اوشبو وضعیت, ایرانده خودی منه شوو کیلیشو بوییچه روحانی و ظریف مخالف بولگن کیشی لرنینگ کوچی نی آرتیریب یوباره دی.  شونده ی قیلیب اوشبو موضوع کوپینچه ایران نینگ ایچکی سیاستی گه تاثیر قالدیره دی.  ترامپ نینگ, عموماً آلیب قره گنده اورته شرق سیاستی بهالنتیریلگنده ایران نینگ یخشی بیر وضعیتده ایکن لیگی کورینماقده.  ترامپ نینگ, تروریزم نی سنی مسلمان لر بیلن ارتباط بیریتگن لیگی و روسیه و بشار الاسد رژیمی بیلن بولگن ارتباط لری نی یخشی لشتیریش گه حرکت ایتیتگن لیگی نینگ اوزی ایران جهتیدن یخشی بیر ینگی لیک دن عبارت.  عینی دمده ترامپ نینگ, سعودی عربستان نی افراطی گروه لر گه قرشی یومشاق بیر سیاست آلیب باریش بیلن عیب له گن لیگی و سعودی عربستاندن پطرول آلیش نی توخته تیب قویه دیگن لیگی نی بیلدیرگن لیگی نینگ اوزی هم ایران جهتی باشقه یخشی بیر ینگی لیک نی تشکیل ایتماقده.  ترامپ نینگ, هستوی کیلیشو باره سیده قیته باشدن بحث ایته دیگن لیک لری نی بیلدیرگن لیگی, فقط گینه اولکه نینگ ایچیده گی معتدل پراگماتیک کوچ مرکز لری نی ضعیف له ته دیگن بیر ینگی لیک اوله راق بهالنتیریلماقده. 

قیسقه قیلیب ایتیلگنده, ترامپ دوریده, اورته شرقده تینچ لیک نینگ حاکم بولیشی نینگ ممکن ایمس لیگی دیک, موجود کوچ موازنه سی نینگ اونچه لیک اوزگرمیدیگن لیگی کورینماقده.