ترامپ امریکا قوشمه ایالتلری نینگ 45 نچی دولت باشلیغی بولیب سیلندی

امریکاده ترامپ موفقیت قولگه کیریتدی

امریکا قوشمه ایالتلری نینگ دولت رئیس لیک سیلاوی بولیب اوتدی. سیلاو بیلن علاقه لی بولیب اوتگن تیکشیررونینگ عکسینچه جمهوریتچیلرنینگ کاندیدی دونالد ترامپ موفقیت لیک قولگه کیریتدی.

ترامپ فلوریدا، اوهیو، شمالی کرولینا لوا و پنسیلوانیا کبی مهم ایالتلریده موفقیت قولگه کیریتیب، 289 نماینده گه ییتیب باردی.

دموکراتلرنینگ کاندیدی هیلری کلینتون ایسه کلفورنیا و نیوادا ایالتلریگه موفقیت قولگه کیریتیب، 218 نماینده آلیب قالدی.

جمهوریتچیلر سناتو و نماینده لر مجلسیده اوستین لیک قولگه کیریتدی.

حاضرگچه سنلگن صندوق لرگه کوره جمهوریتچیلر 205 دموکراتلر 48 اعضا بیلن اورین آلیشی کوتیلماقده.

مطبوعات گه کوره هیلری کلینتون نینگ 85 فایز موفق بولیشی کیره ک ایدی. بیراق عکسینچه ترامپ کوتیلمه گن بیر شکلده موفقیت قولگه کیریتدی.

ترمپ نینگ سیلاونی قازانگن لیگی بیلن دنیا مقیاسیده رهبر، اداره چی و دولت اربابلری فکر بیلدیردیلر.

روسیه دولت باشلیغی ویلادیمیر پوتین ترامپ گه قوتلاو پیامی یوباردی.

کرملین نینگ رسمی ویب سایتی تامان نشر ایتیلگن پیامده روسیه – امریکا قوشمه ایالتلری مناسبتی نینگ بحراندن چیقریلیشی، خلق ارا مقیاسده گی موضوعلرنینگ حل ایتیلیشی و گلوبال خوفسیزلیک تهدیدلریگه جواب بیریلیشی توغریسیده بیرگه لیکده فعالیت قیلیش نی امید ایتگن لیگی بیلدیریلگن.

پوتین واشنگتن و مسکو آره سیده برابرلیک ایککی تامانلمه حرمت و بیر- بیری نینگ جایگاه سینی مدنظر آلیب، یخشی بیر ارتباط زمینه سی یره تیش نینگ ایککی اولکه خلقی و دنیانینگ منفعت لریگه جواب بیریلرلیگینی اورغوله گن. عین دمده ترامپ گه موفقیت آرزو قیلگن.

آلمان مدافعه وزیری فون دیر لین ایسه امریکا قوشمه ایالتلری نینگ سیلاو کتته بیر شوک بولدی، ترامپ، خلق نینگ اوزیگه ایمس موجود سیستم گه رای بیرگن لیگینی بیله دی، دیدی.

فرانسه نینگ امریکا قوشمه ایالتلری بویوک ایلچیسی راود ایسه بو سیلاونینگ آرتیدن هر نیرسه نینگ یوز بیریشی ممکن، کوزلریم نینگ آلدیگه بیر دنیا ییقیلماقده، دیدی.

اروپا بیرلیگی شوراسی باشلیغی دونالد توسک و اروپا بیرلیگی کمسیون باشلیغی یان کلود یانکر ترامپ نی تبریک ایتیب، امریکا قوشمه ایالتلری بیلن اروپا بیرلیگی جلسه سی نینگ تیزلیکده بولیب اوتیشینی آرزو قیلدیلر.