اوتگن ییل لرده قیسی حادثه لر یوز بیرگن؟

اوتگن ییل لرده قیسی حادثه لر یوز بیرگن؟

21 نچی اکتوبر – 30 نچی میزان

21 نچی اکتوبر 1520 نچی ییل ماژلان بوغازی کشف ایتیلدی. پورتگا لیک دینگیزچی و کاشف فردیناند ماژلان، لاتین امریکانینگ جنوب تامانیده اوز آتی بیلن یاد ایتیلگن ماژلان بوغازینی کشف ایتگن. ماژلان امریکا قاره سی دینگیز ساحه سیده لبرادور دن ریئو دی پراتا گچه بولگن قسمت نی کشف ایتگن. ماژلان یاش – ییگیت لیک پیتیده پورتگال دینگیز کوچلریگه کیریب، مراکشده اوروشلرگه قتنشگن. 1517 نچی ییل هسپانیاگه باریب بو اولکه نینگ دینگیز کوچلریگه قوشیلگن. بیراق 1521 نچی ییل فلپین جزیره لریگه باریب، او جای نینگ بومیلری بیلن یوز بیرگن اوروشده جان بیرگن. او فلپین جزیره لریگه ایلک بار ایاق قویگن اروپالیک کیشی عنوانینی قولگه کیریتگن دیر.

21 نچی اکتوبر 1860 نچی ییل ترکیه ده ترجمان احوال آتیده گی روزنامه نشر بولیب باشلنگن. آگاه ایفندی و شناسی تامانیدن چیقریلگن ایلک خصوصی سیاسی روزنامه ترجمان احوال، استانبول ده یایینلنیب باشلنگن عین دمده ایلک ترکچه روزنامه دیر. روزنامه ده ضیاء پاشا، احمد وفیق پاشا کبشب یازووچی و ادبیاتچیلرنینگ یازوولری نشر بولیب چیقرکن، شناسی نینگ ایلک ترکچه تیاتر اویینی بولگن "شاعرنینگ اویلنیشی" دیگن اثری بولیم – بولیم نشر بولیب چیققن. ضیاء پاشا تامانیدن معارف بیلن علاقه لی شدتلی تنقیدیازووی باعث 1866 نچی ییل یاپیلگن دیر. عین دمده ترک مطبوعاتیده یاپیلگن ایلک روزنامه بولگن.

21 نچی اکتوبر 1945 نچی ییل فرانسه ده خاتین – قیزلرگه رای استفاده قیلیش حقی بیریلگن. فرانسه ده 1944 نچی ییل عملگه آشیریلگن قانون اوزگریشی نینگ آرتیدن 1945 نچی ییل خاتین – قیزلر ایلک بار پارلمان سیلاولریده رای استفاده قیلگن دیر.2 نچی دنیا حربی نینگ آخریده جنرال شارلیز دیگول نینگ اعلامیه سی نینگ آرتیدن خاتین – قیزلر ایرکک لر بیلن مساوی حق گه ایگه بولیب سیاسی کورش پروسه لری فرانسه انقلابی جریانیده باشلگه گن دیر. خاتین – قیزلرگه بو حق سیویس ده 1972 نچی ییل، ترکیه ده ایسه 1934 نچی ییل بیریلگن دیر.