فرانسه ده یامغور کتته قیین چیلیک گه سبب بولماقده

فرانسه ده اعتصاب لر و مظاهره لردن تشقری یامغور لر بیلن علاقه لی قیین چیلیک لر هم دوام ایتماقده.  

فرانسه نینگ جاری هفته نینگ ایلک کونلریدن بیری یاغگن شدتلی یامغور لر سببلی خساره سی نینگ ۶۰۰ میلیون یورودن عبارت بولگن لیگی معلوم قیلیندی. 

بیمه چی لر بیرلیگی نینگ باشلیغی برنارد سپتز بیرگن تحریری بیاناتیده, اکتوبر آییده گی سیل فلاکتی باره سیده بحث ایترایکن, "آلدینگی سیل فرانسه ده ۶۰۰ میلیون یورو لیک خساره گه سبب بولدی.  بو گلگی سیل نینگ اوشبو سیل دن خساره سی نینگ ینه ده کوپراق بوله دیگن لیگی تورگن گپ" دییه قید ایتدی. 

فرانسه دهقان لر فدراسیونی هم بیرگن بیاناتیده, اوشبو فدراسیون اعضا لری نینگ شدتلی یامغور لر دن جدی بیر شکلده ضرر کورگن لیک لری نی بیلدیررایکن, حکومت نینگ خودی منه شوو ضرر لر نینگ تلافی ایتیلیشی اوچون کیره ک لیک تدبیر لر نی آلیشی نینگ ضروری ایکن لیگی نی معلوم قیلدی.