فرانسه باش وزیری: فرانسه شرکت لری یونان ده سرمایه گذارلیک قیلسین

فرانسه باش وزیری مانویل والس, فرانسه شرکت لری نی, یونانده سرمایه گذارلیک قیلیش گه چقیردی. 

فرانسه باش وزیری آتن گه قیلگن سفری جریانیده یونان باش وزیری الکسیس چیپراس بیلن اوچره شدی. 

مانویل والس, اوشبو اوچره شوو آرتیدن ترتیب لنگن مطبوعاتی کنفرانس جریانیده اوروپا بیرلیگی ایچیده فرانسه نینگ یونان نی حمایه لیتگن لیگی نی ینه بیر بار ایسله تیب اوترایکن, "یونان نینگ موجود ایمس لیگی تقدیرده, بیر یورو زونی یاکه شنگن کیلیشوی نینگ موجود ایکن لیگیدن بحث ایتیشی میز ممکن ایمس" دییه قید ایتدی. 

فرانسه شرکت لری نینگ یونانده سرمایه گذارلیک قیلیشی کیره ک ایکن لیگی نی بیلدیرگن والس, یونانده ریفورم لرنینگ جدل روشده عمل گه آشیریله دیگن لیگی گه ایشانیتگن لیگی نی معلوم قیلرایکن, نجات پروژه سی دایره سیده قرضه لر نینگ ایککینچی بولیمی نینگ هم تامین ایتیلیب بیریله دیگن لیگی گه ایشانچی نینگ کامل ایکن لیگی نی ایسله تیب اوتدی. 

چیپراس ایسه, فرانسه نینگ یونان نینگ قرضه بیره دیگن اولکه لر بیلن بولگن جنجال لری جریانیده یونان نی حمایه له گن لیگی نی معلوم قیلدی. 

ایککی اولکه آره سیده گی ستراتیژیک همکارلیک بیلن علاقه لی پلان نی قمره گن بیر کیلیشو نینگ امضالنگن لیگی نی بیلدیرگن چیپراس, ساختمان, انرژی, توریزم, فرهنگ و اداری ایش لر بیلن علاقه لی ساحه لر بوییچه سرمایه گذارلیک لر گه بیرینچی نوبتده اهمیت بیریله دیگن لیگی نی ایسله تیب اوتدی. 

چیپراس, فرانسه نینگ یونان دن هر آی ۴۰۰ نفر مهاجر قبول قیله دیگن لیگی نی بیلدیردی.