فلسطین مسئله سی نیمه بوله دی؟

می آیی نینگ ۱۵ نچی کونی فلسطین لیک لر اوچون یوم النکبه یعنی بیر یاس کونیدن عبارت.  اوشبو وضعیت میلادی ۱۹۴۸ نچی ییلیدن بیری دوام ایتیب کیلماقده. 

می آیی نینگ ۱۴ نچی کونی ایسه اسرائیل نینگ اوز مستقل لیگینی اعلان ایتگن کوندن عبارت.  اسرائیل ده گی مستقل لیق جشن لری نینگ یهودی تقویمی گه کوره هر ییل فرق ایتیشی ممکن. بیراق, می آیی نینگ ۱۴ نچی کونی اسرائیل و دنیا یهودی لری نینگ بویوک بیر قسمی اوچون اینگ مهم کوندن عبارت.  شونده ی قیلیب اوشبو کون اولر تامانیدن قیزغین کوتیب آلینماقده.  اوشبو کون لرنینگ اوزی نینگ ایریم کیشی لرنینگ سیوینچ و بعضی کیشی لرنینگ ایسه یاس کونلریدن عبارت ایکن لیگی کورینماقده. 

یوم النکبه یعنی نکبت کونی, اچچیق حادثه لرنینگ یاد ایتیله دیگن کوندن عبارت.  شونده ی قیلیب بیر جمعیت نینگ مستقل لیگی نینگ باشقه بیر جمعیت اوچون فلاکت گه سبب بولگن لیگی نی ایسدن چیقارمس لیک کونیدن عبارت یوم النکبه.  اوزبیک تیلیده ایتیله دیگن بولسه اگر فلاکت کونیدن عبارت اوشبو کون. 

منه شو کون لرده اسرائیل یهودی لری اولکه نینگ قوریلگن لیگی نینگ ۶۸ نچی ییل لیگی نی کتته قیزیقیش بیلن کوتیب آلماقده.  اسرائیل, غربی نوار, غزه و دنیا نینگ باشقه تامانلری گه ترقه تیلیب کیتگن یورت سیز فلسطین لیک لر ایسه یوم النکبه یاکه فلاکت کونی نی حس ایتماقده.  شونده ی قیلیب هم ۶۸ ییل آلدین یوز بیرگن یورت سیز له شیش نی یاد ایته دی وهمده دوام ایتیب کیلیتگن نکبت گه قرشی ناراضی چیلیک بیلدیره دیلر طالع سیز فلسطین لیکلر. 

یوم النکبه, اسرائیل دولتی نینگ ۱۹۴۸ نچی ییلیده قوریلیشی بیلن فلسطین توپراق لریده گی فلسطین لیک لر نینگ اوشبو توپراق لردن اوزاق لشتیریلیشی حادثه سی بیلن علاقه لی بیر کوندن عبارت.  اوشه دور نینگ اوزیده اسرائیل نینگ قوریلگن لیگی نینگ اعلان ایتیلگن کوندن باشلب اوشبو توپراقلرده یشیتگن فلسطین لیکلرنینگ ۸۵ فایزی قشلاق و قصبه لردن هیده لیب باشلندی.  فلسطین لیک لرنینگ ترک ایتیب کیتگن مسکونی منطقه لر ایسه ییر بیلن یکسان ایتیلدی.  هیده لیب یوباریلگن فلسطین لیک لرنینگ اورنی گه باشقه اولکه لردن کیلگن یهودی لر کیلیتیریلیب جایلشتیریلدی.  عقره و حیفا سنگری اوتمیشده گی فلسطین شهر لری تخلیه ایتیلیب تخریب قیلیندی.  قریب ۷ یوز مینگدن آرتیغراق کیشی منطقه دن هیده لدی. 

قوریلیشی پلان لنگن اسرائیل دولتی نینگ بقاسی اوچون منطقه نینگ فلسطین لیک لر دن تصفیه ایتیلیشی اسرائیل نینگ قوریلیشیدن آلدین باشله تیلگن ایدی.  مارچ آیی نینگ ۳۰ نچی و می آیی نینگ ۳۰ نچی کون لری آره سیده قریب ۲ یوز فلسطین قشلاغی اشغال ایتیلیب او ییرده یشیتگن فلسطین لیک لر هیده لگن ایدی.  شونده ی قیلیب اسرائیل نینگ مستقل لیگی نینگ اعلان ایتیلمسدن آلدین فلسطین لیک لر نفوسی نینگ یریمیدن آرتیغراغی منطقه دن هیده لگن ایدی. 

اسرائیل حاکمیتی آستیده گی توپراقلردن فلسطین لیک لرنینگ هیده لیشی بیلن علاقه لی سیاست اسرائیل نینگ مستقل لیگی نینگ اعلان ایتیلیشی آرتیدن هم دوام ایتدی.  شونده ی قیلیب اسرائیل حدود لری ایچیده گی توپراق لردن فلسطین لیک لرنینگ اوزاق لشتیریلیشی ایشلری میلادی ۱۹۵۰ نچی ییلی گه قدر دوام ایتگن بولدی. 

منطقه نی ترک ایتیش گه مجبور بولیب قالگن فلسطین لیک لرنینگ اوز یورت لری گه قیتیب باریش لری ایسه هم کوچدن فایده له نیلیب و همده حقوقی یوللر بیلن توسیقلندی. میلادی ۱۹۵۶ نچی ییلی گه قدر اوز توپراق لری گه قیتیب باریش گه حرکت ایتگن فلسطین لیک لر اسرائیل خوف سیزلیک کوچ لری نینگ خشونتی گه دوچ کیلیب قالدی.  قبول ایتیلگن ینگی قانون لر بیلن اوز یورت لری نی ترک ایتگن فلسطین لیک لر گه تابعت حقی بیریلمه دی.  ملکیت و توپراق لری هم ضبط ایتیلدی اوشبو فلسطین لرنینگ.

فلسطین لیک لر هر ییل هم اسرائیل نینگ رسمی مستقل لیق کونی و همده می آیی نینگ ۱۵ نچی کونی یعنی یوم النکبه وسیله سی بیلن ناراضی چیلیک نمایشلری اوتکزه دیلر. اسرائیلده گی نمایش لر گه یهودی انسان حق لری فعال لری هم اشتراک ایته دی. 

بیراق, منطقه ده گی بیرته گینه دموکراسی اوله راق یاد ایتیلیتگن اسرائیل, میلادی ۲۰۱۲ نچی ییلیده قبول ایتگن بیر قانون بیلن یوم النکبه نی قانون سیز بیر وضعیت گه کیلیتیریب قویدی.  اسرائیل یوم النکبه نینگ قبول ایتیلیشی نینگ اسرائیل نینگ یهودی دولتی اوله راق قبول ایتمسلیک معنی سی گه کیله دیگن لیگی نی بیلدیرماقده.  عینی دمده اسرائیل جشن قیلینیشی کیره ک بولگن بیر کون نینگ یاس کونی گه ایلنتریلیشی گه هم مخالفت ایتماقده.

انیق روشده مفکوره ایرکین لیگی گه ضد بولگن اوشبو قانون گه قرشی اساسی قانون محکمه سی گه قیلینگن مراجعه هم رد ایتیلدی.  شوباعث, اسرائیل حکومتی هر ییل اوشبو ناراضی چیلیک نمایش لریگه مانع بولیش اوچون قولیدن کیله دیگن برچه سعی و حرکت لر نی قیلماقده.  اوشبو ناراضی چیلیک نمایش لری سببلی منطقه ده هر ییل کوپلب کیشی لرنینگ یره له نیتگن لیک لری, نظارت آستی گه آلینیتگن لیگی و حتی جان بیریتگن لیگینی کورماقده میز. 

اوز یورت لریدن هیده لگن فلسطین لیک لرنینگ اوشبو توپراق لر گه قیتیب باریش طلب لری نینگ انسانی بیر حق دن عبارت ایکن لیگی سببلی نکبت حاضرگی کونده هم دوام ایتیب کیلیتگن بیر وضعیت نی تشکیل ایتماقده.  حاضرگی کونده بیرلشگن ملت لر تشکیلاتیده ثبت ایتیلگن بیش میلیون دن آرتیغراق فلسطین لیک مهاجر موجود.  اوشبو فلسطین لیک لرنینگ وطن سیزلیک لری نینگ دوام ایتیتگن لیگی نینگ اوزی نکبت نینگ فقط گینه بیر جهتی. 

میلادی ۱۹۶۷ نچی ییلیده گی اوروش آرتیدن هم ۳ مینگدن آرتیغراق فلسطین لیک اوز یورت لرینی ترک ایتیب کیتیش گه مجبور بولیب قالدی.  عینی دمده اسرائیل نینگ غربی نوار بیلن شرقی بیت المقدس ده توپراق لر نی تارتیب آلیش و اوی لر نی تخریب ایتیش سیاست لری هم دوام ایتماقده.  شونده ی قیلیب فلسطین لیک لرنینگ هیده لگن توپراق لر گه ینگی یهودی تورر جای لر قوریلماقده.  میلادی ۱۹۶۷ نچی ییلی دن بیری اسرائیل نینگ میلادی ۱۹۴۹ نچی ییلی چیگره لری نینگ تشقری سیده قوریلگن ینگی یهودی تورر جای لرده یشیتگن اسرائیل تبعه سی یهودی لرنینگ نفوسی ۶ یوز مینگ نفر گه کوتریلیب کیتگن وضعیتده.  اوشبو وضعیت نینگ اوزی ایسه, فلسطین لیک لرنینگ اوی لری و توپراق لری نینگ قول لریدن تارتیب آلینیشی نتیجه سیده پیدا بولیب قالدی.  غربی نوار و غزه ده گی فلسطین لیک لر ایسه حاضرگی کونده هم محاصره آستیده حیات کیچیرماقده.  میلادی ۲۰۱۵ نچی ییلی سپتامبر آییدن بیری یوز بیرگن حادثه لر عاقبتیده ۲۰۰ دن آرتیغراق فلسطین لیک جان بیرگن وضعیتده.  اورته شرق نینگ باشقه منطقه لری بولگن لیگی دیک, فلسطین هم ایندی اوشبو یمان وضعیتدن چرچه گن وضعیتده.  فلسطینده تینچ لیک نینگ تامین ایتیلمسدن منطقه ده تینچ لیک نینگ اورنه تیلیشی ممکن ایمس.  باشقه بیر تاماندن ایسه دوام ایتیب کیلیتگن نکبت بیلن تینچ لیک نینگ اورنه تیلیشی نینگ ممکن ایمس لیگی کورینماقده.  اوشبو وضعیت نینگ اداغگه ییتیشتیریلیشی نینگ بیرته گینه یولی, فقط گینه عدالت گه تینگن بیر تینچ لیک نینگ تامین ایتیلیشی دن عبارت خلاص.  شوباعث قیلینیشی کیره ک بولگن ایش نکبت نینگ دوام ایتیشی ایمس, بلکه اوشبو فلاکت نینگ زود لیک بیلن توخته تیلیب, قیین چیلیک لرنینگ برطرف ایتیلیشیدن عبارت.