آلمانده خلق ارا موضوعلر بیلن علاقه لی جلسه اویوشتیریلدی

آلمان باش وزیری مارکیل مهاجرلر وضعیتی بیلن تیگیشلی بیانات بیردی

آلمان باش وزیری انجیلا مارکیل امریکا قوشمه ایالتلری دولت رئیسی بارک اوباما،

انگلستان باش وزیری داوید کمرون، فرانسه جمهور رئیسی فرانسوا اولاند و ایتالیا باش وزیری ماتیو رنزی نی آلمان نینگ هانور شهریده کوتیب آلدی. خودی شو 5 کیشی لیک جلسه ده خلق ارا اوزگریشلر بحث بولیب اوتدی. مذکور جلسه نینگ آرتیدن آلمان باش وزیری انجیلا مارکیل مطبوعات گه بیانات بیردی.

مارکیل سوریه ده سیاسی بیر حل یولی تاپیش اوچون جنوره ده گی اوچره شوولرنینگ دوام ایتیشی کیره ک لیگی توغریسیده مشترک توشونچه گه ایگه ایکن لیکلرینی بیلدیردی. قاچاق مهاجرلر توغریسیده خصوصاً انسانلرنینگ اوز اولکه لرینی ترک ایتیب کیتیش لری نینگ سببیگه قرشی مجادله ایتیش نینگ کیره ک لیگینی اورغوله دی.

مارکیل خودی شو چوکاتده ترکیه بیلن اروپا بیرلیگی آره سیده گی مهاجرلر کیلیشووی نینگ اهمیتی گه هم دقت ترتدی. اوشبو جلسه ده مهاجر توغریسیده کلیدی اولکه بولیب تورگن لبیانینگ "ملی بیرلیک حکومتی" گه همکارلیک لری نینگ دوام ایتیشی توغریسیده کیلیشگن لیکلرینی معلوم قیلدی. لبیاده گی انسان قاچاق چیلیگی گه مانع بولیش اوچون اروپا بیرلیگی ماموریتی نینگ عملی بولیب تورگن لیگینی معلوم قیلیب، ناتونینگ منطقه گه مداخله سی نینگ مطرح ایمس ایکن لیگینی بیلدیردی.

مذکور 5 اولکه دولت اربابی نینگ تروریزم گه قره ته مجادله و خوفسیزلیک موضوعلریده مشترک ایش آلیب باریش طرفداری ایکن لیکلرینی تأکیدلب، تروریست گروهی داعش گه قره ته مجادله گه دوام ایترلیکلرینی اورغوله دی.