دنیا نینگ اینگ کتته قیرغینی سینما فلمی گه ایلنتیریلماقده

ایککینچی دنیا اوروشی آرتیدن اوروپا ده یوز بیرگن اینگ کتته قیرغین حادثه سی سینما فلمی گه ایلنتیریله دی.

میلادی ۱۹۹۵ نچی ییلیده بیرلشگن ملت لر تشکیلاتی تامانیدن امنیت منطقه اوله راق اعلان ایتیلگن سریبرینیتسا ده قریب ۹ مینگ نفر مسلمان بوزنیا لیک آغیر قورال لر بیلن مسلح بولگن بوزنیا لیک صرب اردوسی طرفیدن اولدیریلدی.

قیرغین ایتیلگن اوشبو مسلمان بوزنیا لیک لر آره سیده عیال لر و باله لر هم موجود ایدی.

بوزنیا صرب اردوسی تامانیدن قیرغین ایتیلگن اوشبو مسلمان بوزنیا لیک لر مشترک بیر قبر گه دفن قیلیندیلر.

اوروپا نینگ هیچ قنده ی بیر عکس العمل کورستمه گن اوشبو قیرغین, ترک دایرکتر فونده آیان تامانیدن The Last Epoch یعنی "سونگگی چاغ" نامیده گی بیر فلم گه ایلنتریله دی.

اوشبو قیرغین نتیجه سیده قرینداش – اوروغ لری اولدیریلگن خدیجه محمدویچ, خودی منه شو فلم نینگ کیله جک اولاد اوچون عبرت بولیشی نی طلب ایتدی.

اوشبو فلمده, اوروش جریانیده آلمان گه مهاجر بولیب بارگن بیر قیز نینگ مسلمان ایکن لیگی سببلی دوچ کیلیب قالگن قیین چیلیک لری و اوروش نینگ حقیقت لری باره سیده معلومات توپلش اوچون بوزنیا- هرزگوینا گه سفر قیلگن لیگی توغری سیده معلومات بیریله دی.

آگست آییده فلمبردارلیک ایش لری باشلیدیگن اوشبو فلم نینگ کیله جک ییلده سینما لرده کورسه تیلیشی ریجه لنماقده.