هنگری قاچاق مهاجر لر گه قرشی تدبیرلری نی آرتیرماقده

غربی اوروپا گه مهاجرلرنینگ قانونی بولمه گن یوللر بیلن اوتیشی اوچون اینگ مهم یولدن عبارت بولگن هنگری, اوشبو مهاجر لر گه قرشی کوره ش بیلن علاقه لی تدبیر لری نی آرتیرماقده..

چیگره ده گی تیکانلی دیوار لری نی آرتیرگن هنگری, باشقه منطقه لر گه هم اوشبو دیوار لردن قوریب باشله دی.

هنگری مدافعه وزیرلیگی, سونگگی کون لرده مهاجر لرنینگ سانی نینگ آرتیب کیتگن لیگی سببلی بونده ی بیر ایش نی قیلیش گه مجبور بولیب قالگن لیک لری نی بیلدیردی.

پولیس تامانیدن بیریلگن معلومات لر گه کوره, هنگری خوف سیزلیک کوچلری, سونگگی بیر هفته ده ۸۷۹ قانونی بولمه گن مهاجر نی اوشلب آلگن.

عینی دمده, اوروپا بیرلیگی نینگ مهاجر لر بیلن علاقه لی سیاست لری گه قرشی اتریش بیلن ایتالیا چیگره سیده ناراضی چیلیک نمایشلری ترتیب لندی.

نمایشچیلر, اتریش نینگ مهاجر لر بیلن علاقه لی چیگره ده آلگن تدبیر لری گه ناراضی چیلیک بیلدیردی.

ایتالیا نادولت تشکیلات لری تامانیدن تنظیم ایتیلگن اوشبو ناراضی چیلیک نمایشلری گه قریب ۵۰۰ کیشی اشتراک ایتدی.

نمایشچیلر, اوروپا بیرلیگی نینگ مهاجر لر بیلن علاقه لی سیاست لری نی تنقید ایتیب شعار بیردیلر.

اوشبو نمایشلر جریانیده انسان لر گه ضرر بیریب پولیس گه حمله قیلگن ۵۰ کیشی نظارت آستی گه آلیندی.