بلجیم حادثه سینی عملگه آشیرگن کیشی لر حقیده معلومات ییتیب کیلدی

بلجیم حادثه سینی عملگه آشیرگن کیشی لر حقیده معلومات ییتیب کیلدی

فدرال قاره لاوچی لیگی حادثه بیلن علاقه اوله راق اوشلب آلینگن کیشی نینگ نجم لاچروی ایمس ایکن لیگینی معلوم قیلدی. محلی مطبوعات حادثه بیلن علاقه لی اوله راق 3 کیشی دن بیرته سی نینگ نجم ایکن لیگینی یازگن ایدی. بیراق فدرال قاره لاوچیلیک اوشبو ادعانی رد ایتدی.

بلجیم نینگ باشکینتی بروکسیل ده تناون کون قونلغه ده خودکش هجوم اویوشتیرگن کیشی لرنینگ کیم لیکلری تثبیت ایتیلدی. پولیس تمان بیریلگن معلوماتده هجومچی لرنینگ خالد و ابراهیم البقراوی آتیده گی کیشی لر ایکن لیگی بیلدیریلدی. فدرال باش قاره لاوچی فره دریک وان لیو ایسه قونلغه ده گی حادثه بیلن تیگیشلی بیر کیشینی اوشلب آلیش اوچون فعالیت باشله تیلگن لیگینی بیان ایتدی. تناون کون بروکسیل قونلغه سیده ایکّی ایریم خودکش هجوم حادثه سی یوز بیردی، آرتیدن اروپا بیرلیگی نینگ شعبه لریگه یقین مالبیک میتروسیگه هجوم حادثه سی یوز بیردی. اوشبو تروریستیک حادثه لرده 34 کیشی اولیب 130 دن آرتیق کیشی یره لندی.