اتریش تشقی ایشلر وزیری: اسلامی درسخانه لرنینگ یاپیلیشی کیره ک
اوشبو درسخانه لر باله لرنی جماعت دن اوزاق قیلماقده دیر
اتریش تشقی ایشلر وزیری: اسلامی درسخانه لرنینگ یاپیلیشی کیره ک
اتریش تشقی ایشلر وزیری سباستیان کورز باله لرنی جماعت گه بیگانه قیلگن لیگینی ادعا ایتیب، باله لرگه دینی درس بیره دیگن اسلامی درسخانه لرنینگ یاپیلیشی کیره ک لیگینی بیان ایتماقده دیر. کوریر روزنامه سی نینگ خبریگه کوره مذکور وزیر، وین عالی بیلیم یورتی اسلام بوییچه فعالیت قیلیب تورگن انستیتوت نینگ استادی پروفیسور ایدنان اسلان باشقرووچیلیگده تیارلنگن "اتریش ده باله لر اوچون اسلامی درسخانه و تعلیم تربیه موسسه لری" آتیده گی راپور توغریسیده بیانات بیرگن. کورز باله لر اسلامی درسخانه لری نینگ باله لرنی جماعت دن اوزاق قیلگن لیگینی و بو حادثه نینگ بویوک معما بولگن لیگینی ایفاده ایتگن دیر. اتریش لیک وزیر اوشبو مسأله نی کورمس لیک دن کیلمس لیک کیره ک دیب تأکید ایتماقده دیر.
مذکور وزیر وین ده دولت همکارلیگی بیلن فعالیت قیلیب تورگن تقریباً 150 باب اسلامی درسخانه نینگ موجود ایکن لیگینی معلوم قیلیب، اوشبو موسسه لرنینگ تیزلیکده یاپیلیشی گه قناعت کیلتیرگن لیگینی عین دمده اسلامی درسخانه لرنی جدی شکلده کنترول آستیگه آلرلیکلرینی بیلدیردی.
