داعش: امریکا ده گی آق اوی گه انتحاری هجوم اویشتره میز
داعش جنگری لری اوشبو مطلب نی ترقه تیلگن بیر ویدیو آرقه لی بیلدیردی
داعش امریکا قوشمه ایالتلریده گی آق اوی گه قره ته هجوم اویشتریش بیلن تهدید ایتدی.
داعش تمانیدن ترقه تیلگن بیر ویدیو ده داعش جنگری لری نینگ امریکا پایتختی واشنگتن ده گی آق اوی گه قره ته هجوم اویشتره دیگن لیک لری نی بیلدیرگن لیک لری کوریندی.
اوشبو ویدیو ده جنگری لر آق اوی گه قره ته انتحاری هجوم اویشتره دیگن لیک لری نی بیلدیررایکن, فرانسه ده هم ینه ده کوپراق هجوملر اویشتره دیگن لیک لری نی بیلدیرگن لیک لری کورینماقده.
عینی دمده ویدیوده داعش جنگری لریدن بیری نینگ امریکا قوشمه ایالت لری دولت رهبری باراک اوباما و فرانسه جمهوررئیسی فرانسوا اولاند نی اولدیریش بیلن تهدید ایتگن لیگی کوزگه تشلنماقده.
داعش اوتگن جمعه کونی فرانسه پایتختی پاریسده اویشتریلگن و ۱۲۹ کیشی نینگ جان بیریشی گه سبب بولگن تروریستیک هجوم نینگ مسئولیتی نی اوز بوینی گه آلگن ایدی.
داعش عراق و سوریه ده کوپلب منطقه لر نی کنترول ایتماقده.
