شراب ایچگن کیشی طیاره نینگ اضطراری بیر شکلده قونیشیگه سبب بولدی
اوشبو طیاره پولند دن مصر گه کیتماقده ایدی
ایچیده منفجره مواد موجود ایکن لیگی نینگ بیلدیریلیشی آرتیدن طیاره اضطراری بیر شکلده قونیش گه مجبور بولیب قالدی.
پولند پایتختی وارسا دن مصر گه کیتیتگن بیر فروند یولاوچی طیاره سی ایچیده منفجره مواد نینگ بیلدریلگن لیگی سببلی عاجل بیر شکلده بلغاریا گه باریب قوندی.
براق طیاره نینگ بلغاریا گه قونیشی آرتیدن آلیب باریلگن تیکشیرو لر نتیجه سیده طیاره ده هیچ قنده ی بیر منفجره مواد نینگ موجود ایمس لیگی بیلدیریلدی.
بلغاریا ملی رادیو سی طیاره ده بولگن ۶۷ یاشیده گی پولند لیک بیر کیشی نینگ طیاره ده منفجره مواد موجود ایکن لیگی نی بیلدیرگن لیگی نی معلوم قیلدی.
کیین چه لیک ایسه خودی منه شو کیشی نینگ شراب ایچگن لیگی بیلدیریلدی.
ایندی اوشبو طیاره نینگ پولند نینگ اجازت بیریشی تقدیرده قیته باشدن اوچه دیگن لیگی معلوم قیلینماقده.
طیاره نینگ بلغاریا ده گی قونلغه نینگ اوزاق بیر جایی گه قوندیریلگن لیگی و تیکشیرو لر جریانیده ایسه انسان لرنینگ مذکور قونلغه گه کیریش لری نینگ ممنوع ایتیلگن لیگی بیلدیریلدی.
