پنتاگون نینگ سوریه پلانی اوزگردی

امریکا قوشمه ایالتلری مدافعه وزیرلیگی پنتاگون, سوریه ده مخالف کوچ لرنینگ تعلیمی و تهجیز ایتیلیشی بیلن علاقه لی برنامه گه اوزگریش کریتیلگن لیگی نی بیلدیردی.
شونده ی قیلیب اوشبو اوزگریش دایره سیده منطقه ده گی عادی عسکر لر اورنیگه خودی منه شو عسکر لر نینگ قوماندان لری گه تعلیم بیریله دی.
عسکر لر گه ایسه ایلغار تکنالوژی گه ایگه آغیر قوراللر اورنیگه خفیفه قوراللر دن استفاده ایتیلیشی گه تیگیشلی تعلیم بیریله دی.
پنتاگون, اوشبو برنامه نینگ جاری ییل نینگ ایلک کونلریده پلان قیلینگن لیگی دیک تطبیق ایتیلیشی نینگ نتیجه بیرمه گن لیگی نی بیلدیردی.
امریکا مدافعه وزیری آشتون کارتر نینگ, ایریم مخالف رهبر لر و اولر گه باغلیق بولگن گروپ لر گه تهجیزات و قورال یاردم ایتیلیشی نی امر ایتگن لیگی نی بیلدیرگن سوزلاوچی پیتر کوک, "اوشبو گروپ لرنینگ قول گه کریته دیگن موفقیت لرینی تعقیب ایته میز. داعش گه قرشی اوروش لری بوییچه هوائی جهت دن اولر نی حمایه لیمیز" دییه قید ایتدی.
امریکا نینگ تعلیم و تجهیز پروگرامی دایره سیده تعلیم آلگن معتدل مخالف لر نینگ ایلک گروپی, ترور تشکیلاتی القاعده نینگ سوریه بولیمی دن عبارت بولگن النصرا جبهه سی نینگ هجومی نتیجه سیده ترقه لیب کیترایکن, ایککینچی گروپ ایسه قول لریده گی قوراللر نینگ مهم بیر قسمی نی النصرا جنگری لری گه تسلیم ایتیب قویگن ایدی.
اوشبو پروژه دایره سیده 500 میلیون دالرلیک بیر بودیجه بیلن 5 مینگ 4 یوز مخالف گه تعلیم بیریلیشی هدف قیلینیب آلینرایکن, فقط گینه 60 کیشی تعلیم آلیش امکانیتیگه ایگه بولگن ایدی خلاص.
تعلیم آلگن خودی منه شو کیشی لرنینگ هم بیوک بیر قسمی ساحه ده اوز موجودیتی نی کورسه ته آلمه گن ایدی.