ترکیه اویغور لر نی بغری گه باسماقده
ترکیه ده تایلند قونسلگرلیگی نینگ اونگیده مظاهره بولیب اوتدی
ترکیه ۹۰ نفر اویغور نینگ چین گه تاپشیریلیشی بیلن علاقه لی سیاست لری سببلی تایلند نی تقبیح قیلدی.
خودی منه شو موضوع گه قرشی عکس العمل کورسه تیش مقصدی بیلن استانبول نینگ شیشلی منطقه سیده اورین آلگن تایلند قونسلگرلیگی نینگ اونگی ده ناراضی چیلیک نمایش لری بولیب اوتدی.
عینی دمده ترکیه جمهوریتی باش وزیری احمد داوود اوغلی, خودی منه شو اویغور لرنینگ چین گه تاپشیریلیشی نینگ توخته تیلیشی اوچون بیرلشگن ملت لر تشکیلاتی عمومی منشی سی بان کی مون بیلن تلفن آرقه لی صحبت ایتدی.
تایلند پایتختی بانکوک ده گی مهاجر لر دفتری ده ۲۱ نفری عیال لر دن عبارت توپلم ۹۰ نفر اویغور نینگ چین گه تاپشیریلیشی آرتیدن ایندی تایلند ده قالگن ۱۱۰ نفر اویغور نینگ کیله جگی باره سیده باش قاتیریلماقده.
انقره رهبریتی, اویغور لرنی چین گه تاپشیرگن لیگی اوچون تایلند نی قاره لب چیقدی.
اوشبو حادثه آرتیدن ترکیه ده یشیتگن اویغور لر دن تشکیل تاپگن قریب ۲۰۰ کیشی, تایلند نینگ استانبولده گی قونسلگرلیگی نینگ اونگی ده ناراضی چیلیک نمایش لری اوتکزدی.
