امریکا محکمه سی نینگ انصاف سیز قراری

امریکاده محکمه اوچ یاش مسلمان نینگ اولدیریلگن لیگی گه تیگیشلی جنجال گه سبب بوله دیگن بیر قرار نی مطرح ایتدی.
امریکا قوشمه ایالت لریده اولدیریلگن اوچ یاش مسلمان نینگ قاتلی نینگ محکمه سی جریانیده "نفرت جرمی" آجندا دن چیقاریلیب قویلدی.
شوندای قیلیب شمالی کارولاینا ایالتی شاپل هیل قصبه سیده ۳ یاش مسلمان نی اولدیرگن لیگی ادعا سی بیلن اوشله نیب محکمه ایتیلیتگن کریک هیکس گه امریکا قوشمه ایالت لری قضاسی تمانیدن "نفرت جرمی" دایره سیده عیبلاو مطرح ایتیلمه دی.
هیکس گه قرشی اوچ مراتبه بیرینچی درجه جنایت و مسکونی منطقه ده قورال دن فایده له نیش عیبلاوی بیلن دعوا اقامه ایتیلگن لیگی بیلدیریلدی.
هیکس حاضرگی کونده دورهام کاونتی نظارت مرکزی ده یشه ماقده.
فبروری آیی نینگ ۱۰ نچی کونیده شاپل هیل قصبه سیده اوچ یاش مسلمان اوقوچی اولدیریلگن ایدی.
اوشبو حادثه آرتیدن پولیس هیکس نینگ پارک بیلن علاقه لی بیر جنجال یوزه سیدن خودی منه شو کیشی لر نی اولدیرگن لیگی نی اویلَیَتگن لیگی نی بیلدیرگن ایدی.
اوشبو جرم نینگ اساسی سببی "نفرت" دن عبارت
خودی منه شو مظنون کیشی نینگ انترنت آرقه لی یازگن دین گه قرشی پیام لری و مذکور یاش لر نی تهدید ایتگن لیگی نی بیلدیرگن عایله و مسلمان جمعیت لر نماینده لری, اوشبو جرم نینگ, "نفرت جرمی" اوله راق بهالنتریلیشی کیره ک ایکن لیگی نی بیلدیررایکن, اف بی آی هم حادثه بیلن علاقه لی تحقیقات باشلتگن لیگی نی بیلدیرگن ایدی.
هیکس نینگ "نفرت"جرمی دایره سیده محکمه ایتیلیشی اوچون ییترلیک دلیل نینگ موجود ایمس لیگی بیلدیریلرایکن, اوشبو یاش لر نینگ عایله سی اوز لری نینگ حقوقی کوره ش لری نی دوام ایتتره دیگن لیک لری نی معلوم قیلدی.
هیکس نینگ اوشبو جنایت آلدی دن بیر نیچه مراتبه خودی منه شو یاش لر نی تهدید ایتگن لیگی و یاش لرنینگ مذکور تهدید لرنی امریکا قوشمه ایالت لری مرجع لری گه بیلدیرگن لیگی معلوم قیلیندی.