ناتو اعضالری نینگ مدافعه وزیرلری جلسه سی باشله دی

ناتو اعضالری نینگ مدافعه وزیرلری جلسه سی باشله دی
ناتو نینگ چوکاتیده گی اولکه لرنینگ مدافعه وزیرلری بروکسل ده گی اوز جلسه سی بوگون باشله گن لیگی بیلدیریلدی. تورکیه نینگ مدافعه وزیری عصمت ییلمز هم مذکور جلسه گه قتنشگن دیر. مذکور جلسه ده میلادی 2016 نچی ییل چریانیده اوز فعالیتیگه باشله یاتگن ینگی کوچ نینگ حاضرلیگی، روسیه گه قرشی تعقیب ایتیله یاتگن ستراتیژی، اوکراین و گورجیا بیلن عملگه آشیریله یاتگن اتفاق موضوع لری توغریسیده بحث بولیب اوتیله دی.
ناتو نینگ عمومی سکرتری ینس ستولتین برگ Jens Stoltenberg 13 مینگ دن عبارت بولگن مدافعه کوچیمیز نی 30 مینگ گه چیاریلیشی کوتیلماقده دیر، دیدی. خودی شونده ی بولیب اوشبو جلسه ده پولند، رومانیا، و بولغاریا اولکه لریده 6 ته کنترول مرکزی قوریلیش پیشنهادی قبول ایتیلیشی کوتیله دی. ناتو عمومی سکرتریگه کوره روسیه تمانیدن اویوشتیریلگن خوفسیزلیک تحدیدی باعث ینگی بیر ستراتیژی تمان کیتیلگن دیر. روسیه نینگ قیریم نی اوزیگه قوشیشی و خلق ارا حقوقنی ایاق آستیگه آلیشی گه قرشی اوشبو آدیم لرنی عملگه آشیریب تورگن میز، دیدی. عین دمده ینس میلادی فبروری آیی نینگ 6-8 تاریخ لریده آلمان نینگ مونشن شهریده اویوشتیریله یاتگن ناتو خوفسیزلیک کنفرانسیده روسیه تشقی ایشلر وزیرلیگی بیلن اوچره شر لیگی بیلدیریلدی.