۸۵۰ نفر آلمان لیک حربی افغانستان ده قاله دی

آلمان افغانستان ده گی حربی لری نینگ وظیفه سی مدتی نی تمدید ایتیش گه قرار بیردی.
آلمان ده حکومت, افغانستان ده گی خلق ارا خوف سیزلیک و همکارلیک کوچی آیساف دایره سیده فعالیت آلیب باریتگن آلمان اردوسی گه باغلیق ۸۵۰ نفر حربی نینگ وظیفه سی نی تمدید ایتیش گه قرار بیردی.
وزیر لر کینگشی ده قبول ایتیلگن اوشبو قرار دایره سیده, ۸۵۰ نفر آلمان لیک حربی میلادی ۲۰۱۵ نچی ییلی جنوری آیی دن باشلب افغانستان اردوسی نینگ تعلیمی اوچون افغانستان ده قاله دی.
شوندای قلیب, افغانستان اردوسی منسوب لری گه تعلیم بیریب, مشاور لیک ایته دیگن اوشبو آلمان لیک حربی لرنینگ وظیفه سی بیر ییل لیق بیر مدت بیلن چیگره لنتریلگن وضعیت ده.
خودی منه شو مدت نینگ تمدید ایتیلیشی اوچون ایسه فدرال مجلس نینگ تصدیقی گه احتیاج حس ایتیلماقده.
اون اوچ ییل دن بیری افغانستان ده وظیفه اجرا ایتیب کیلیتگن امریکا و ناتو حربی لری میلادی ۲۰۱۴ نچی ییلی نینگ سونگگی ده افغانستان دن چیقه دی.
شوندای قلیب افغانستان ده فقط گینه افغانستان اردوسی منسوب لری گه تعلیم بیره دیگن آز سانلی چیت ایل لیک حربی قاله دی خلاص.
حاضرگی کونده افغانستان ده ۵ یوز مینگ آلمان لیک حربی موجود. آلمان اردوسی نینگ افغانستان ده گی ۱۳ ییل لیق وظیفه سی مدتی ۵۵ نفر آلمان لیک حربی جان بیردی.