امریکا ده ارقچی لیک مسئله سی

امریکا قوشمه ایالت لری ده, اِرقچی لیک بیلن علاقه لی بحث و مناظره لرنینگ آرتیب کیتیشی گه سبب بولگن, ۱۸ یاشیده گی قاره تن لیک مایکل براون نینگ اولدیریلیشی گه تیگیشلی کمره لر ده گی تصویر لر تیکشیریلماقده.
قولی ده قورالی بولمه گن براون نینگ, اولدیریلمسدن آلدین شراب ساتیلیتگن بیر دوکان گه باریب اوغریلیق قیلگن لیگی ادعا ایتیلماقده.
تصویر لر ده, مایکل براون نینگ دوکان دن بیر نیچه نرسه لر آلیب, پولی نی بیرمسدن دوکان نینگ ایگه سی نی اوریب چیقیب کیتگن لیگی کورینماقده.
اوشبو تصویر لر بیلن مقایسه ایتیلگن خوف سیزلیک کمره سی نینگ تصویر لری گه کوره ایسه, سگرت و شراب ساتیله دیگن بیر دوکان ده اوغریلیق بولگن لیگی گه تیگیشلی خبر کیلگن.
بیر نیچه دقیقه کیین حادثه محللی گه کیلگن آق تن لیک دارین ویلسن نامیده گی بیر نفر پولیس, یول ده براون نی اوشلب آلیب اولدیرگن.
براون نینگ قرینداش – اوروغ لری بوندای بیر وضعیت ده پولیس نینگ قورال سیز بیر یاش باله نی اولدیرگن لیگی گه قرشی عکس العمل کورستماقده.
اوتگن شنبه کونی میسوری ایالتی نینگ سینت لویس شهری ده یوز بیرگن اوشبو حادثه ده, براون نی قول لری هوا ده ایکن اورگن لیگی ادعا ایتیلگن ویلسن نینگ, آلدین هیچ قندای بیر جرمی بولمه گن ۶ ییل لیق بیر پولیس دن عبارت ایکن لیگی بلدریلگن ایدی.