ناتو عاجل بیر ییغیلیش اوتکزگن

ناتو عاجل بیر ییغیلیش اوتکزگن.
ترکیه نینگ موصل قونسلگرلیگی گه قره تیلگن هجوم آرتیدن خلق ارا مقیاس ده اوز تشبث لری نی باشله تیب یوبارگن ترکیه جمهوریتی نینگ دعوتی گه بناً ناتو فوق العاده بیر ییغیلیش اوتکزدی.
بروکسل ده گی ناتو قرارگاهی ده دایمی نماینده لرنینگ اشتراکی بیلن بولیب اوتگن اوشبو ییغیلیش آرتیدن تی آر تی بیلن مصاحبه قیلگن ناتو منبع لری, "خودی منه شو ییغیلیش ترکیه نینگ طلبی گه بناً بولیب اوتدی. اتفاق اعضا لری گه موصل ده گی ینگی لیک لر و ترک تبعه لری نینگ آلیب قاچیریلگن لیک لری گه تیگیشلی معلومات بیریلدی" دییه قید ایتدی.
ناتو اعضالری نینگ اوشبو ینگی لیک لر نی قیغو بیلن یقین دن تعقیب ایتیتگن لیک لری نی بلدرگن ناتو منبع لری, مذکور اتفاق نینگ ترک خلقی و آلیب قاچیریلگن ترک لر حقیده باش قاتریتگن لیگی نی بلدردی.
اوشبو ییغیلیش نینگ ناتو نینگ قوروچی واشنگتن کیلیشوی نینگ ۴ نچی ماده سی ایمس, بلکه معلومات آلیش مقصدی بیلن بولیب اوتگن لیگی قید ایتیلدی.