قزاقستانده تورک دولت لری تشکیلاتی تشقی سیاست تدقیقات مرکز لری ییغیلیشی بولیب اوتدی

تورک دولت لری تشکیلاتی اعضاسی و ناظر دولت لرنینگ رسمی تشقی سیاست تدقیقات مرکز لری 9- ییغیلیشی قزاقستان پایتختی آستانه ده بولیب اوتدی. 

ییغیلیش گه تورکیه جمهوریتی تشقی ایشلر وزیری نینگ باش مصلحتچیسی و تشقی ایشلر وزیرلیگی ستراتیژیک تدقیقات لر مرکزی نینگ باشلیغی دوکتور نوح ییلماز و اونینگ بیلن بیرگه بارگن هیئت اعضالری اشتراک قیلدی.

قزاقستان ستراتیژیک تدقیقات لر انستیتوتی تامانیدن بیریلگن یازمه بیاناتده, ییغیلیش گه دوکتور ییلماز دن تشقری, تورک دولت لری تشکیلاتی عمومی سکرتری قربانیچبیک عمر علی اف, آذربایجان, قزاقستان, قیرغزستان, اوزبیکستان, تورکمنستان و هنگری دن هم نماینده لر و دیپلمات لرنینگ اشتراک قیلگن لیگی بیلدیریلدی. 

ییلماز, ییغیلیشده قیلگن معروضه سیده, تورک دولت لری تشکیلاتی نینگ قوریلگن کوندن بیری تیز بیر شکلده اوزگریش  کیریتگن لیگینی بیلدیردی.

تجارت یوللری نینگ اوزگرگن لیگی و آسیا نینگ دنیا اقتصادی ده اهمیت کسب ایتگن لیگینی بیلدیرگن ییلماز, تاریخ و جغرافیه نینگ تقدیم ایتگن اوشبو فرصت لرنی قولدن بیریب قویمس لیک کیره ک ایکن لیگینی اورغوله دی. 

ییغیلیش دایره سیده ایریم اوچره شوو لر اوتکزگن ییلماز, اوشبو دایره ده تورک دولت لری تشکیلاتی عمومی سکرتری عمر علی اف بیلن هم اوچره شدی. 

ییلماز بیلن عمر علی اف اورته سیده بولیب اوتگن یککه مه یککه اوچره شووده کیلگوسیده تورک دنیا سیده گی رسمی مفکوره موسسه لری نینگ تشله یدیگن اورتاق قدم لر و پروژه لر حقیده سوز یوریتیلدی.